Главная » 2020 » Aprel » 14 » Rossiyada belgilarsiz o‘tayotgan koronavirusga chalinish holatlarining ulushi 30 foizga yetdi

---

00:15 Rossiyada belgilarsiz o‘tayotgan koronavirusga chalinish holatlarining ulushi 30 foizga yetdi

Rossiyada koronavirus bilan kasallanish belgilarsiz o‘tayotgan kishilarning ulushi oshib bormoqda. Bu haqda "Rospotrebnadzor” rahbari Anna Popova ma’lum qildi, deb xabar berdi "Perviy kanal” telekanali. Uning so‘zlariga ko‘ra, mart oyining boshida Rossiyada qayd etilgan bemorlarning 10 foizida koronavirus belgilarsiz o‘tgan. Ayni paytda bunday bemorlarning ulushi qariyb 30 foizni tashkil qilmoqda, ba’zi hududlarda ko‘rsatkich bundan ham yuqori. Anna Popovaning aytishicha, odamlar ko‘proq tekshirilgani buyon kasallikni belgilarsiz o‘tkazayotganlar shuncha ko‘proq aniqlanmoqda. 14-aprel kuni Moskvada qayd etilgan yangi holatlarning 52 foizi aynan belgisiz holatlar hisoblanadi. Bu odamlarning sog‘lig‘ida hech qanday o‘zgarish yo‘q, biroq ularda virus mavjud va ularning o‘zi ham buni bilmaydi. Uning qo‘shimcha qilishicha, COVID-19 ning belgilarsiz kechishi salomatlik uchun qanday oqibatlar keltirib chiqarishi haqida hozircha hech qanday ma’lumot yo‘q. Uning fikricha, koronavirusning belgilarsiz holatlari ko‘paygani sababli "o‘zini yakkalash” rejimi hamda imkoniyat darajasida nafaqat bemorlar, balki belgilar bo‘lmagan kishilarda ham test o‘tkazish muhim hisoblanadi. Rossiyada so‘nggi bir sutkada koronavirusga chalinish bo‘yicha 3388 ta yangi holat qayd etildi. Mamlakatda kasallanganlarning umumiy soni 24 490 kishiga yetdi, koronavirusdan vafot etganlarning umumiy soni esa 198 kishiga yetgan.

1 2 3 4 5 Категория: Har-Hil | Просмотров:633 | Добавил: moderator | Теги: yangilik | Рейтинг: 0.0/0

Всего комментариев: 0