Главная » 2020 » Mart » 6 » Rossiya va Turkiya Idlibda jangovar harakatlarni to‘xtatish bo‘yicha kelishib oldi

---

10:28 Rossiya va Turkiya Idlibda jangovar harakatlarni to‘xtatish bo‘yicha kelishib oldi

Rossiya prezidenti Vladimir Putin hamda Turkiya prezidenti Rajab Toyyib Erdo‘g‘on Suriyaning Idlib viloyatida jangovar harakatlarni to‘xtatishga kelishib oldi. Bu haqda Moskvada ikki mamlakat prezidentlari ishtirokida 6 soatdan ortiq bo‘lib o‘tgan muzokaralar yakunida ma’lum qilindi, deb xabar beradi Meduza. Tomonlarning mavjud kesishuvchi hududlarida harbiy harakatlarning to‘xtatilishi 6-mart kuni yarim tunda e’lon qilinadi. Bundan tashqari, Rossiya va Turkiya M-4 trassasining janubida eni 6 kilometrga teng xavfsiz koridor yaratadi, shuningdek, birgalikda uni nazorat qilishni boshlaydi. Shu bilan birga, Putin va Erdo‘g‘on Suriya mojarosini tartibga solish bo‘yicha hamkorlikdagi ishlarni davom ettirishga kelishib olgan. Idlibdagi vaziyat Turkiyaning Suriya hukumati qo‘shinlariga qilgan hujumi oqibatida chigallashgan. Fevral oxirida Anqara Suriyaning havodan hujumi oqibatida 33 nafar turk harbiysining halok bo‘lganini tasdiqlagan va ushbu harakatga hujum bilan javob qaytargandi. Shuningdek, Turkiya Suriya qo‘shinlarining Aleppodagi aerodromiga ham zarba bergan.

1 2 3 4 5 Категория: Har-Hil | Просмотров:500 | Добавил: moderator | Теги: yangilik | Рейтинг: 0.0/0

Всего комментариев: 0