Главная » 2023 » Iyul » 24 » Rossiya telekanallariga Moskvaga dronlar hujum qilganini yoritish taqiqlandi — OAV

---

23:32 Rossiya telekanallariga Moskvaga dronlar hujum qilganini yoritish taqiqlandi — OAV

Rossiya hukumati "Rossiya-24” va "Moskva-24”, "RBK” va bir qator hududiy telekanal xodimlariga Moskvaga dronlar hujum qilgani haqidagi materialni yoritish taqiqladi. Bu haqda manbalarga tayanib, The Insider xabar berdi. Nashr suhbatdoshiga ko‘ra, Butunrossiya davlat teleradiokompaniyasi kanallariga bu mavzuni yoritish taqiqlangan. "RBK” Moskvaga hujum haqida batafsil ma’lumot tayyorlagan, ammo uni efirga berishmagan. Mavzu Mudofaa vazirligi va Moskva meri Sergey Sobyanin tomonidan qisqa sharhlar bilan davom ettirilgan. Hududiy kanallardan dron hujumlari mavzusiga urg‘u bermaslik so‘ralgan, biroq bu cheklovlar ijtimoiy tarmoqlarga taalluqli emas. 24-iyulga o‘tar kechasi Moskvaga ikkita dron hujum qildi. Dronlardan biri Rossiya Mudofaa vazirligi binosi yonida qulagan. Rossiya "Kiyev rejimi”ni teraktga urinishda ayblagan. RBK-Ukraina xabariga ko‘ra, dron hujumini Ukraina razvedkasi uyushtirgan, bu Kiyevda rasman tasdiqlanmagan.

1 2 3 4 5 Категория: Har-Hil | Просмотров:125 | Добавил: moderator | Теги: yangilik | Рейтинг: 0.0/0

Всего комментариев: 0