Главная » 2022 » Mart » 1 » Rossiya Mudofaa vazirligi Ukrainadagi urush qatnashchilariga faxriy maqomini berishni taklif qildi. Bu 5 mlrd rublga tushadi

---

23:32 Rossiya Mudofaa vazirligi Ukrainadagi urush qatnashchilariga faxriy maqomini berishni taklif qildi. Bu 5 mlrd rublga tushadi

Rossiya Mudofaa vazirligi Ukrainadagi urushda qatnashayotgan rossiyalik harbiy xizmatchilarga jangovar harakatlar faxriysi maqomini berishni taklif qildi. Tegishli qonun loyihasi normativ hujjatlar bazasida e’lon qilindi. Qayd etilishicha, ushbu maqsadlar uchun 2022-yilgi federal budjetning taxminiy xarajatlari 5,01 milliard rublni (53 ming dollar) tashkil qiladi. Vazirlikning tushuntirishicha, faxriy maqomi Ukrainadagi jangovar harakatlar ishtirokchilariga "munosib hayot, faol mehnat, jamiyatda obro‘ va hurmat bilan ta’minlaydigan shart-sharoitlarni yaratish uchun” tegishli ijtimoiy qo‘llab-quvvatlash imtiyozlaridan foydalanish imkoniyatini beradi. Rossiya 24-fevraldan beri Ukrainada "harbiy maxsus operatsiya” o‘tkazmoqda. Rossiya Mudofaa vazirligi jangovar harakatlar haqida xabar berib, halok bo‘lgan harbiy xizmatchilar haqida ma’lumot bermayapti. Ukraina Mudofaa vazirligining 28-fevraldagi ma’lumotlariga ko‘ra, urushda 5300 ga yaqin rossiyalik halok bo‘lgan. Bu ma’lumotlarning mustaqil tasdig‘i yo‘q. Avvalroq Checheniston rahbari Ramzan Qodirov Ukrainadagi urushda ikki nafar chechenistonlik askar halok bo‘lgani, yana olti nafari turli og‘irlikdagi jarohatlar olgani haqida ma’lum qilgandi.

1 2 3 4 5 Категория: Har-Hil | Просмотров:557 | Добавил: moderator | Теги: yangilik | Рейтинг: 0.0/0

Всего комментариев: 0