Главная » 2022 » Mart » 3 » Rossiya Mudofaa vazirligi Ukrainadagi harbiy operatsiyalardagi yo‘qotishlar haqida ma’lumot berdi. Urushda Rossiya tomonidan 500 ga yaqin as

---

02:58 Rossiya Mudofaa vazirligi Ukrainadagi harbiy operatsiyalardagi yo‘qotishlar haqida ma’lumot berdi. Urushda Rossiya tomonidan 500 ga yaqin as

Rossiya Mudofaa vazirligi Ukrainada harbiy operatsiyalar boshlanganidan beri ilk marta urushdagi yo‘qotishlar haqida ma’lumot berdi. Unga ko‘ra operatsiyalar davomida 498 nafar rossiyalik harbiy halok bo‘lgan, 1597 nafar askar yaralangan. Bu haqda vazirlik rasmiysi Igor Konashenkov ma’lum qilgan. U halok bo‘lganlarning oilalariga ijtimoiy yordam ko‘rsatilayotganini bildirgan, deb yozmoqda "Kommersant”. "Yana bir marta Rossiya Mudofaa vazirligi tezkor muddatli xizmati harbiylari ham, harbiy o‘quv muassasalari kursantlari ham operatsiyalarda ishtirok etmayotganini eslatib o‘taman. G‘arbning ko‘plab ommaviy axborot vositalari, shuningdek, ayrim rus OAVda tarqalgan Rossiya qo‘shinidagi katta yo‘qotishlar haqidagi axborotlar atayin tarqatilayotgan noto‘g‘ri ma’lumotlar”,— degan Igor Kanshenkov. "Millatchilar hamda Ukraina tuzilmalarining harbiylari orasidagi yo‘qotishlarga kelsak, ularda 2870 nafar askar o‘ldirilgan va 3700 ga yaqin harbiy yaralangan. Tasdiqlangan ma’lumotlarga ko‘ra, Ukraina kuchishlatar tizimlarida faoliyat olib borgan harbiylardan 572 nafari asirga olingan”,— deya Ukraina tomonida kuzatilayotgan yo‘qotishlar xususida gapirgan Rossiya Mudofaa vazirligining vakili. Rossiya Mudofaa vazirligi Vladimir Putin buyrug‘i asosida 24-fevralda Ukraina hududida maxsus harbiy operatsiyalarni boshlagan. Igor Konashenkovning aytishicha, Rossiya harbiylari Ukraina hududida yuzaga kelgan xavfsizlikka rosmana tahdidni bartaraf etmoqda. Konashenkov aks holda Ukrainada yaqin vaqt ichida NATO harbiy bazalari, yadro quroli va uni yetkazib berish vositalari paydo bo‘lishi taxmin qilinganini qayd etgan. Avvalroq Rossiya kuchlari Ukrainaning Xerson shahrini nazoratga olgani xabar qilingandi.

1 2 3 4 5 Категория: Har-Hil | Просмотров:577 | Добавил: moderator | Теги: yangilik | Рейтинг: 0.0/0

Всего комментариев: 0