Главная » 2020 » Fevral » 7 » Rossiya hukumati politsiya bo‘linmasida 11 yil oldin qiynoqqa solingan o‘zbekistonlik migrantga 25 ming yevro to‘laydi

---

19:24 Rossiya hukumati politsiya bo‘linmasida 11 yil oldin qiynoqqa solingan o‘zbekistonlik migrantga 25 ming yevro to‘laydi

Rossiya hukumati 2009-yilda Sankt-Peterburgdagi politsiya bo‘linmasida qiynoqqa solingan o‘zbekistonlik migrantga 25 ming yevro to‘lab beradi. Bu haqda 4-fevral, seshanba kuni, Strasburgdagi Inson huquqlari bo‘yicha Yevropa sudi qarori chiqarilgan va saytida e’lon qilingan. Ma’lum bo‘lishicha, o‘zbekistonlik migrant Mo‘min Sultonov 2009-yilning sentabrida o‘g‘irlikda gumonlanib, ish joyida qo‘lga olingan va Sankt-Peterburg shahrining Frunze IIB 47-politsiya bo‘limiga olib borilgan. U yerda militsiya xodimlari Sultonovni o‘lasi qilib kaltaklab, elektroshok bilan qiynoqqa solgan va sodir etilgan jinoyatni o‘z bo‘yniga olishni talab qilgan. Keyinchalik Sankt-Peterburgdagi 109-sonli kasalxonada Mo‘min Sultonovning qo‘llari, bo‘yni, tizzalari va tanasining boshqa qismlarida jarohatlar mavjudligi, chap ko‘zi kaltakdan shishib ketgani qayd etilgan. Mo‘min Sultonov qiynoqlarga solinganidan shikoyat qilib tergov qo‘mitasi va prokuraturaga murojaat qilgan, lekin Rossiya huquq-tartibot idoralari jinoyat ishi qo‘zg‘atishni to‘rt marta rad etgan. Sudda Rossiya hukumati o‘zbekistonlik muhojirni Inson huquqlari bo‘yicha konvensiya qoidalarini buzishda ayblab, Rossiyada mavjud bo‘lgan barcha huquqiy himoya vositalaridan foydalanmagandan so‘nggina Yevropa sudiga murojaat etishi keraklini ta’kidlab turib olgan. Yevropa sudi himoyaning e’tirozlarini inobatga olmagan va "jinoyat ishi qo‘zg‘atishni to‘rt marta rad etish sudga borishga ehtiyoj ham qoldirmaganini” ta’kidlagan. Samarqandlik migrant ishi Yevropa sudiga 2019-yil may oyida yuborilgan. Sud qaroriga binoan, Rossiya hukumati qaror qabul qilinganidan keyin migrantga uch oy ichida 25 ming yevroni to‘liq to‘lab berishi kerak. Hujjatga muvofiq, Rossiya hukumati belgilangan muddatni buzgan taqdirda O‘zbekistonga jarima to‘laydi.

1 2 3 4 5 Категория: Har-Hil | Просмотров:559 | Добавил: moderator | Теги: yangilik | Рейтинг: 0.0/0

Всего комментариев: 0