Главная » 2023 » Yanvar » 9 » Rossiya 2033-yilgacha davlat sifatida parchalanib ketishi prognoz qilindi

---

20:30 Rossiya 2033-yilgacha davlat sifatida parchalanib ketishi prognoz qilindi

Tashqi siyosiy ekspertlar Rossiya 2033-yilgacha muvaffaqiyatsiz davlatga aylanishi yoki parchalanishini ma’lum qildi. Bu haqda Financial Times xabar berdi. Atlantika Kengashi tomonidan o‘tkazilgan so‘rovda 167 ekspertning 46 foizi Rossiya yaqin 10 yil ichida qulashi yoki parchalanishi mumkinligini aytdi. Mutaxassislarning 40 foizi Rossiyani bir qator sabablarga ko‘ra, xususan, "inqilob, fuqarolar urushi yoki siyosiy parchalanish” tufayli parchalanishini ilgari surdi. "Ukraina Rossiyada ichki muammolar yuzaga kelishi va urushning butun mamlakat uchun bumerang oqibatlarga olib kelishi mumkinligini ta’kidlaydi”, — deydi Atlantika Kengashining prognozlash bo‘yicha direktori o‘rinbosari Piter Engelke. Xabarda keltirilishicha, Rossiya prezidenti Vladimir Putin Moskva Ukrainada muvaffaqiyatsizliklarga duch kelayotganini va urush uzoq davom etishini ochiq tan ola boshlagan. AQSHva uning G‘arbdagi ittifoqchilari Ukrainani qancha vaqt kerak bo‘lsa, qo‘llab-quvvatlashga va’da bergan. Ayni paytda urushni yillar mobaynida davom ettirishga tayyorlanmoqda. Shu bilan birga, ekspertlarning aksariyati Rossiya va NATO yaqin o‘n yil ichida bevosita harbiy mojaroga kirishishiga ishonmaydi. Mutaxassislarning 58 foizi yaqin 10 yil ichida yadroviy quroldan foydalanilmasligiga ishonadi. So‘rovda qatnashgan ekspertlarning deyarli 90 foizi 2033-yilgacha kamida yana bir davlat yadro quroliga ega bo‘lishini prognoz qilgan. Ularning 68 foizi Eronni shunday davlat deb atagan. Bundan tashqari, respondentlarning 70 foizi yaqin 10 yil ichida Xitoy Tayvanga qarshi harbiy hujum boshlaydi, deb hisoblaydi.

1 2 3 4 5 Категория: Har-Hil | Просмотров:215 | Добавил: moderator | Теги: yangilik | Рейтинг: 0.0/0

Всего комментариев: 0