Главная » 2020 » Aprel » 1 » Ramzan Qodirov Checheniston chegarasining kirish-chiqish uchun yopilishini e’lon qildi

---

23:30 Ramzan Qodirov Checheniston chegarasining kirish-chiqish uchun yopilishini e’lon qildi

Koronavirus infeksiyasining Checheniston Respublikasi hududiga kirib kelishi va tarqalishining oldini olish bo‘yicha tezkor shtab 5-apreldan boshlab hududning chegaralari butunlay yopilishini e’lon qildi. "Grozniy” telekompaniyasining xabar berishicha, Ramzan Qodirov Checheniston aholisi vakillaridan tezroq hududga qaytishni so‘ragan va 5-apreldan boshlab respublikaga kirish ham, undan chiqish ham butunlay yopilishini e’lon qilgan. Qodirov yangi tartibda istisno holatlar ham bo‘lishi mumkinligini bildirgan. Shunday holatlardan biri sifatida og‘ir ahvoldagi bemorni zaruratga ko‘ra boshqa hududga o‘tkazish misol tariqasida bayon etilgan. Bundan tashqari cheklovlar ishlab chiqish va medikamentlar bo‘yicha yuk tashishga ham ta’sir qilmaydi. 28-martda Checheniston aholisiga mamlakat bo‘ylab ko‘chish taqiqlab qo‘yilgandi. Odamlarga doimiy yashash joyidan boshqa yerga borish taqiqlangan. Respublika poytaxti Grozniy shahrida yashamaydigan fuqarolarga u yerga kirish yopib qo‘yilgan. Tranzit transporti ham shaharni aylanib o‘tishi lozim. 1-aprel, chorshanba kuni, tongda Chechenistonda koronavirus bilan bog‘liq birinchi o‘lim holati kuzatildi. "Rospotrebnadzor”ning Checheniston boshqarmasi rahbari Rita Termulayeva tashxisi Moskvada tasdiqlangan keksa ayolning vafot etganini tasdiqlagan. Xabarga ko‘ra, marhum ayol Chechenistonga poyezdda plastkart vagonida kelgan. Ramzan Qodirov 24-mart kuni Chechenistondagi barcha kafe va restoranlarni yopish haqida buyruq bergan, undan 9 kun avval esa odamlarni koronavirusdan qo‘rqmaslikka va sarimsoq yeyishga chaqirgandi.

1 2 3 4 5 Категория: Har-Hil | Просмотров:645 | Добавил: moderator | Теги: yangilik | Рейтинг: 0.0/0

Всего комментариев: 0