QVZ bitiruvchilari yana sahnada - 15 Марта 2016 - www.Nozim-Studio.com

Главная » 2016 » Mart » 15 » QVZ bitiruvchilari yana sahnada

16:21 QVZ bitiruvchilari yana sahnada
Joriy yilning 1, 2, 8, 9, 10 aprel kunlari Alisher Navoiy nomidagi kinosaroyda "QVZ bitiruvchilari” deb nomlangan konsert dasturi bo‘lib o‘tadi. Ahamiyatlisi shundaki, bundan bir necha yillar avval qatnashgan turli oliy o‘quv yurtlari jamoalari yana tomoshabinlar oldida o‘z badiiy chiqishlarini namoyish etishadi. Jumladan, "Comedy.Uz”, "Dizayn”, "Omadli jentelmenlar”, "Shaddod qizlar” va boshqalar. Oliygohlarni bitirib, bugun turli sohalarda faoliyat yuritayotgan sobiq "qvzchi”larning chiqishlari, ko‘pchilik muxlislar uchun qiziq bo‘lishi tabiiy. "Odamning tabiatida ijodga moyillik bo‘lsa, baribir, u o‘zini eslataveradi. Bu ijodiy chanqoqlikni bee'tibor qoldirish yaxshi emas. Biz shu holatlar va sobiq "qvzchi”larning taklifi bilan mazkur konsert dasturini tashkil etishga qaror qildik. Bir necha yil tanaffus qilgan, hayotiy tajribasi oshgan, boshqacharoq aytganda, "ijod to‘rvasi” yangi "gaplar”ga to‘lgan yigit-qizlarning chiqishlari, o‘ylaymanki, qiziq bo‘ladi. Ishtirokchilar astoydil tayyorgarlik ko‘rishmoqda”, deydi konsert rejissyori Shukrullo Mahkamov. Rejissyorning ta'kidlashicha, QVZ professional ligasi tashkil etilmoqda. Endi bu ligada ijodiy qobiliyati shakllangan professional jamoalar qatnashishi mumkin bo‘ladi. "QVZ bitiruvchilari” konsert dasturida yangi tashkil etilgan jamoalarning chiqishlari ham belgilangan. Hakamlar hay'ati ularning chiqishlarini baholab, yakunda ligada ishtirok etish-etmasligini belgilab beradi.
1 2 3 4 5 Категория: Har-Hil \| Просмотров:3622 \| Добавил: Admin \| Теги: QVZ bitiruvchilari yana sahnada \| Рейтинг: 0.0/0