Главная » 2020 » Fevral » 21 » Qozog‘istonda qor bo‘ronida qolib ketgan yo‘lovchilar arqon yordamida qutqarildi

---

14:01 Qozog‘istonda qor bo‘ronida qolib ketgan yo‘lovchilar arqon yordamida qutqarildi

Qozog‘istonning Aqmola viloyati Yereymentau tumanida qor bo‘ronida qolib ketgan yo‘lovchilar arqon bilan qutqarildi, deb xabar bermoqda Kazinform. Ma’lum bo‘lishicha, Yereymentau shahridan 10 kilometr uzoqlikdagi Yereymentau—Torg‘ay avtotrassasida 7 ta avtomobil qor bo‘ronida qolib ketgan. Ularning 20 nafar yo‘lovchisi qutqarilgan. Ko‘rish imkoniyati juda past bo‘lganligi sababli qutqaruvchilar arqon tortib, odamlarni evakuatsiya uchun maxsus yuborilgan o‘t o‘chirish mashinasi va maxsus texnikalarga olib kelgan. Qayd etilishicha, qutqarilgan odamlarning barchasi Yereymentaudagi isinish punktiga joylashtirilgan bo‘lib, hech kimga tibbiy yordam talab etilmagan. Avvalroq Nur-Sultonda qor bo‘ronlari sabab maktablarda darslar bekor qilingani, trassalar yopilgani haqida xabar berilgan edi.

1 2 3 4 5 Категория: Har-Hil | Просмотров:606 | Добавил: moderator | Теги: yangilik | Рейтинг: 0.0/0

Всего комментариев: 0