Главная » 2020 » Mart » 28 » Qozog‘istonda ilk bor ayol kishi viloyat hokimi etib tayinlandi

---

13:57 Qozog‘istonda ilk bor ayol kishi viloyat hokimi etib tayinlandi

Qozog‘iston prezidenti Qosim-Jo‘mart Toqayev Gulshara Abduholiqovani Qizilo‘rda viloyati hokimi etib tayinladi, deb xabar beradi "RIA Novosti”. Prezident maslahatchisi Yerlan Karin o‘zining Telegram’dagi kanaliga "viloyat rahbarligi lavozimiga birinchi bor ayol kishi tayinlandi”, deb yozib qoldirgan. "Avvalroq Qozog‘iston prezidenti Milliy kengash yig‘ilishida partiya ro‘yxatining 30 foizini ayollar va yoshlar tashkil etsin, degan tashabbusni ilgari surgan edi”, — deya qo‘shimcha qiladi Karin. Abduholiqova 54 yoshda bo‘lib, bunga qadar Qozog‘iston parlamentining quyi palatasi deputati bo‘lgan. Turli davrlarda mehnat va aholini ijtimoiy muhofaza qilish vaziri, Qozog‘iston prezidenti maslahatchisi, bosh vazir o‘rinbosari, davlat kotibi lavozimlarida ishlagan. Eslatib o‘tamiz, O‘zbekistonda so‘nggi ikki oy ichida olti nafar ayol hokim lavozimida ish boshladi. Jumladan, Dilfuza O‘rolova Sirdaryoning  Boyovut tumaniga, Nargiza Ne’matova Buxoroning Olot tumaniga, Sadbarxon Mamitova Andijonning Bo‘ston tumaniga, Maqsuda Mustafoyeva Qashqadaryoning Qarshi tumaniga, Zulayho Mahkamova Namanganning To‘raqo‘rg‘on tumaniga, Gavhar Alimova esa Samarqand viloyatining Kattaqo‘rg‘on shahriga hokim etib tayinlandi.

1 2 3 4 5 Категория: Har-Hil | Просмотров:575 | Добавил: moderator | Теги: yangilik | Рейтинг: 0.0/0

Всего комментариев: 0