Главная » 2016 » Avgust » 16 » Qozog‘istonda erkak homilador rafiqasini o‘ldirib, yoqib yubordi

---

23:22 Qozog‘istonda erkak homilador rafiqasini o‘ldirib, yoqib yubordi

Rafiqasining yo‘qolib qolganini aytib politsiyaga murojaat qilgan erkakning o‘zi qotil bo‘lib chiqdi. Sharqiy Qozog‘iston viloyatida o‘zining homilador rafiqasini o‘ldirib,  yoqib yuborishda gumon qilinayotgan 27 yoshli erkak qo‘lga olindi.  Bu haqda "Nur.kz” yozmoqda.   2016 yilning 11 avgustida Sariagash tumani politsiya mahkamasiga mahalliy aholi vakillaridan biri rafiqasi Qurbonova Nuripa Talgatovnaning bedarak yo‘qolganini aytib murojaat qilgan. U turmush o‘rtog‘ining Chimkentga ketgani va uyga qaytib kelmaganini aytgan.   Shundan so‘ng, jinoiy ish qo‘zg‘atildi. Bedarak yo‘qolgan Qurbonova Nuripani qidirib topish uchun operativ tergov guruhi tuzildi.   Tergov natijasida Qurbonovaning yo‘qolishiga uning eri aloqador ekanligi aniqlandi. Oxir-oqibat erkak rafiqasini o‘ldirganiga iqror bo‘ldi va uning jasadi qayerdaligini politsiya xodimlariga ko‘rsatdi.   Jinoyatga erkakni nima undagani hali aniq emas, lekin bunga er-xotin o‘rtasidagi janjal sabab bo‘lgan bo‘lishi mumkinligi aytilmoqda.   Qurbonovaning qarindoshlari ayolning yo‘qolishida uning eridan shubhalanishgan. Ularning so‘zlariga ko‘ra, uch bolani tarbiyalayotgan er-xotin o‘rtasida tez-tez mojarolar bo‘lib turgan. Bundan tashqari, marhuma to‘rtinchi farzandiga homilador bo‘lgan.   Bugun, 16 avgust kuni Keles daryosi qirg‘og‘ida Qurbonovaning jasadi topildi. Taxmin qilinishicha, uning tanasi kuydirilgan.

1 2 3 4 5 Категория: Har-Hil | Просмотров:2465 | Добавил: Admin | Теги: Qozog‘istonda erkak homilador rafiq, yoqib yubordi | Рейтинг: 5.0/1

Всего комментариев: 0