Главная » 2020 » Iyul » 5 » Qozog‘iston va O‘zbekiston chegarasida qolib ketgan 800 ga yaqin tojikistonlik yurtiga qaytarildi

---

10:50 Qozog‘iston va O‘zbekiston chegarasida qolib ketgan 800 ga yaqin tojikistonlik yurtiga qaytarildi

Xalqaro migratsiya tashkiloti (XMT), YuNISEF va Tojikiston hukumati birgalikda Qozog‘iston va O‘zbekiston chegaralarida qolgan tojik muhojirlarining uylariga qaytishiga ko‘mak berdi, deb xabar beradi Asia-Plus. "Jibek yo‘li” qozoq-o‘zbek chegara postida 3-iyul kuni pandemiya sabab qolib ketgan 776 tojikistonlik fuqaro, shu jumladan, 40 nafardan oshiq bolalar avtobus orqali uylariga qaytarildi. Mavzuga doir: Samaradagi 350 nafardan ortiq o‘zbekistonlik Qozog‘iston orqali ortga qaytayotgani ma’lum qilindi "Karantin choralari joriy etilgandan so‘ng, Qozog‘istondagi tojik muhojirlari yurtiga qaytish niyatida O‘zbekiston chegarasiga yig‘ildi. Ularning ba’zilari, shu jumladan, bolalar, bir necha kun hatto bir necha hafta davomida chegarada yordam kutib turishgan. YuNISEFning Tojikistondagi vakolatxonasi bolalarni uylariga qaytarishga ko‘mak berdi”, – deyiladi Xalqaro migratsiya tashkilotining bayonotida. "Jibek yo‘li” chegara postida 23-iyun kuni yuzlab tojikistonliklar XMT ko‘magi bilan 14 ta avtobusda O‘zbekiston orqali Sug‘d viloyatiga olib kelingan. O‘z vataniga qaytgan barcha tojikistonlik karantinga olingan. Qozog‘iston—O‘zbekiston chegarasidan qaytarilgan tojikistonliklarning oldingi guruhi orasida 50 dan oshiq asemptomatik (alomatsiz) koronavirus aniqlangan. Eslatib o‘tamiz, Tojikistonda koronavirus bilan kasallanganlar soni 6 108 kishiga yetdi. O‘tgan sutka davomida yana 50 kishida koronavirus aniqlangan. Mamlakatda o‘tgan bir sutka ichida 72 kishiga shifoxonadan javob berilgan. Tojikistonda hozirga qadar 52 kishi COVID-19 qurboniga aylangan, 4762 bemor davolangan. Ayni vaqtda 216 nafar bemor shifoxonalarda qolmoqda.

1 2 3 4 5 Категория: Har-Hil | Просмотров:450 | Добавил: moderator | Теги: yangilik | Рейтинг: 0.0/0

Всего комментариев: 0