Qozog‘iston lotin alifbosiga o‘tdi - 20 Февраля 2018 - www.Nozim-Studio.com

Главная » » Qozog‘iston lotin alifbosiga o‘tdi

17:24 Qozog‘iston lotin alifbosiga o‘tdi
Bugun, 20 fevral kuni Qozoqiston prezidenti Nursulton Nazarboyev qozoq tilini ifodalashda lotin yozuviga asoslanish haqidagi qonunni tasdiqladi. Bu haqda "Kazinform” xabar berdi. Yangi qabul qilingan lotin alifbosi 32 harf va belgiga ega ekanligi ma'lum qilindi. Qozoqistonda 1920 yilga qadar arab alifbosiga asoslangan yozuvdan foydalailgan. Shundan keyin SSSR tarkibidagi Markaziy Osiyo mamlakatlarining hammasi qatorida Qozoqistonda ham millat tili lotin yozuviga o‘tkaziladi. Lotin yozuvi 1940 yilga qadar amal qiladi va shu yildan boshlab qozoq tili kirill yozuvida ifodalana boshlaydi. Qozoq tili kirill yozuvida 42 harf-belgiga ega bo‘lib, undan foydalanish noqulaylik tug‘dirgan. Qozoqiston mustaqillikka erishgach, qozoq tili mutaxasislari bir necha bor kirill yozuvini isloh qilish bo‘yicha o‘rganish ishlarini olib bordi. Mamlakat aholisining qozoqlardan keyin eng ko‘p qismini ruslar tashkil etadi. Prezident Nazarboyev Bu borada qiyinchiliklar yuzaga kelishi mumkinligini inkor qilib, lotin alifbosi har tomonlama qulay ekanligini ta'kidladi. Ma'lum qilinishicha, 2021-2023 yillardan boshlab Qozog‘iston fuqarolarining pasportlari va turli guvohnomalari lotin alifbosida to‘ldirilib yangilanishi belgilangan. 2024-2025 yillarga qadar mamlakatdagi hukumat idoralari va barcha tashkilotlar lotin yozuviga to‘liq o‘tilishi rejalashtirilgan. Ma'lumot o‘rnida, 2017 yilda Nazarboyev qozoq tilini ifodalashda lotin yozuvidan foydalanishga 2025 yilga qadar o‘tish haqida topshiriq bergan edi.
1 2 3 4 5 Категория: Har-Hil \| Просмотров:1720 \| Добавил: Admin \| Теги: Qozog‘iston lotin alifbosiga o‘tdi \| Рейтинг: 0.0/0