Главная » 2022 » Iyun » 22 » Qoraqalpog‘istondagi IT tanlovida g‘olibga “Pilot” sovg‘a qilindi. Bu internetda kulgiga sabab bo‘lmoqda

---

17:01 Qoraqalpog‘istondagi IT tanlovida g‘olibga “Pilot” sovg‘a qilindi. Bu internetda kulgiga sabab bo‘lmoqda

Ijtimoiy tarmoqlarda Qoraqalpog‘iston Respublikasining Chimboy tumanida IT tanlovi g‘olibiga "Pilot” (udlinitel) sovg‘a qilingani va bu kulgiga olingani haqida xabarlar tarqaldi. "Daryo”ga ma’lum bo‘lishicha, IT tanlovi g‘olibiga "pilot” sovg‘a qilingani rost. Chimboy tumani hokimligining 20-iyun kungi ma’lumotiga ko‘ra, tumanda yoshlar oyligi doirasida 15—25 yoshli ishtirokchilar orasida "IT bilimdoni” tanlovining tuman bosqichi o‘tkazilgan. Unda 60 nafardan ziyod yoshlar ishtirok etgan. Tanlov yakuniga ko‘ra, Maqsim Jumabayev, Miyribek Aytmuratov, Damir Askerbayev, Qalmuratov Azamatlar g‘olib va sovrindorlar qatorida taqdirlangan. Ijtimoiy tarmoqda tarqalgan suratdagi yigit shu ishtirokchilarning biri bo‘lib, sovrindorlar qatorida bo‘lgan va unga ham "Pilot” va sertifikat berilgan. Qo‘shimcha qilinishicha, ushbu tanlovni Yoshlar ishlari agentligi va IT Park tashkil qilgan. Chimboy tumani hokimligining rasmiy xabariga ilova qilingan suratda tanlov g‘olib va sovrindirlariga sertifikat, "Pilot”, klaviatura va kompyuter sumkasi berilganini ko‘rish mumkin. Unda esa "Pilot” boshqa ishtirokchiga berilganini anglash mumkin.

1 2 3 4 5 Категория: Har-Hil | Просмотров:290 | Добавил: moderator | Теги: yangilik | Рейтинг: 0.0/0

Всего комментариев: 0