Главная » 2018 » May » 30 » Qoraqalpog‘istonda rangli metallarning noqonuniy aylanmasiga chek qo‘yildi

---

15:35 Qoraqalpog‘istonda rangli metallarning noqonuniy aylanmasiga chek qo‘yildi

Qoraqalpog‘istonda bojxonachilar 6,3 tonna rangli metallarning noqonuniy aylanmasiga chek qo‘yishdi. Bu haqda Qoraqalpog‘iston Respublikasi bojxona boshqarmasi Axborot xizmati xabar bermoqda.   Qoraqalpog‘iston Respublikasi bojxona boshqarmasi tomonidan Xo‘jayli tumanida o‘tkazilgan tadbirda fuqaro M.G. boshqaruvidagi Isuzu rusumli avtomashinasi to‘xtatilib tekshirilganda avtomashina yukxonasida don mahsulotlari solingan qoplar tagiga yashirilgan, salkam 2 tonna og‘irlikdagi rangli metallar borligi aniqlangan.   Nukus shahrida o‘tkazilgan tadbirda fuqaro I.G.ning yashash xonadoni ko‘zdan kechirilganida, bu yerda 1897 kg. rangli metallar qayta sotish maqsadida yashirincha saqlanayotganligi aniqlandi.   To‘rtko‘l tumani hududida o‘tkazilgan tadbir esa fuqaro R.D.ga tegishli bo‘lgan xonadon o‘z roziligi va xolislar ishtirokida ko‘zdan kechirilganda, bu yerda 1601 kg rangli metall chiqindilari  qayta sotish maqsadida yashirincha saqlanayotganligi aniqlandi.   Joriy yilning o‘tgan davri mobaynida Qoraqalpog‘iston Respublikasi bojxona boshqarma xodimlari tomonidan  olib borilgan tezkor tadbirlar natijasida 6,3 tonna og‘irlikdagi rangli metallarning noqonuniy aylanmasiga chek qo‘yilgan.

1 2 3 4 5 Категория: Har-Hil | Просмотров:999 | Добавил: Moderator | Рейтинг: 0.0/0

Всего комментариев: 0