Главная » 2020 » Fevral » 10 » Qoraqalpog‘istonda metall seyfdan 30 mln so‘m o‘g‘irlagan uch yigit qo‘lga olindi

---

17:06 Qoraqalpog‘istonda metall seyfdan 30 mln so‘m o‘g‘irlagan uch yigit qo‘lga olindi

Qoraqalpog‘istonda metall seyfdan 30 million so‘m o‘g‘irlagan shaxslar qo‘lga olindi, deb xabar beradi IIV huzuridagi Tergov departamenti. 5-yanvar kuniga o‘tar kechasi noma’lum shaxslar Qoraqalpog‘iston Respublikasi Beruniy tumanida yashovchi D.M. ismli fuqaroga tegishli MChJ hududiga o‘g‘rilikka tushgan. Ular temir konteyner ichidagi metall seyfni kalit bilan ochib, ichidagi jami 30 million so‘m pulni yashirin ravishda talon-toroj qilib hodisa joyidan yashiringan. Mazkur holat yuzasidan Beruniy tumani IIB huzuridagi Tergov bo‘linmasi tomonidan Jinoyat kodeksining 169-moddasi 2-qismi "b”, "g” bandlari (O‘g‘rilik) bilan jinoyat ishi qo‘zg‘atilgan. Dastlabki tergov jarayonida olib borilgan tergov-tezkor harakatlari natijasida ushbu jinoyatni 19 yoshli N.A., 18 yoshli S.A. va 17 yoshli T.S. sodir etganliklari aniqlangan. Gumonlanuvchilarning har biridan o‘g‘irlangan pullar evaziga sotib olingan Redmi Note 8 rusumli uyali telefonlar va turli xil kiyim-kechaklar ashyoviy dalil tariqasida rasmiylashtirib olingan. Hozirda dastlabki tergov harakatlari olib borilmoqda.

1 2 3 4 5 Категория: Har-Hil | Просмотров:483 | Добавил: moderator | Теги: yangilik | Рейтинг: 0.0/0

Всего комментариев: 0