Главная » 2021 » Dekabr » 5 » Qoraqalpog‘istonda MChJga tegishli qariyb 1 mlrd so‘mlik korxona va imoratlarni noqonuniy sotib yuborgan sobiq rahbarlar ushlandi

---

17:58 Qoraqalpog‘istonda MChJga tegishli qariyb 1 mlrd so‘mlik korxona va imoratlarni noqonuniy sotib yuborgan sobiq rahbarlar ushlandi

Qoraqalpog‘istonning Xo‘jayli tumanida "L.F.” MChJga tegishli ishlab chiqaris sexi va imoratlarni qalbaki hujjatlar orqali o‘zganing nomiga o‘tkazgan shaxslar aniqlandi. Bu haqda Bosh prokuratura departamenti xabar qildi. Ma’lum qilinishicha, departamentning tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda "K.M.” va "N.S.” MChJlarining sobiq rahbarlari oldindan til biriktirib, K.M. MChJning 51,9 foiz ulushi "L.F.” MChJga tegishli bo‘lgan 991,7 million so‘mlik ishlab chiqarish sexi va qo‘shimcha imoratlarni soxta yig‘ilish bayonnomasi rasmiylashtirib, qalbaki hujjatlar orqali firibgarlik yo‘li bilan fuqaro S.S. nomiga o‘tkazgani aniqlangan. Qayd etilishicha, holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.

1 2 3 4 5 Категория: Har-Hil | Просмотров:257 | Добавил: moderator | Теги: yangilik | Рейтинг: 0.0/0

Всего комментариев: 0