Главная » 2016 » Fevral » 23 » Qo‘qonda Gaz-21 Volganing tomiga ortilgan armaturalar Nexia'ni bosib qoldi

---

16:45 Qo‘qonda Gaz-21 Volganing tomiga ortilgan armaturalar Nexia'ni bosib qoldi

Mashinaning tom qismida 8-10 metr uzunlikda armaturalar olib ketayotgan qora rangdagi Gaz-21 Volga avtomobili yuk og‘irligini ko‘tara olmay yonboshlab qolgan. Ijtimoiy tarmoqlardagi "Voditeli Tashkenta” guruhida nafaqat toshkentlik haydovchilar, balki viloyatlardagi haydovchilar ham ancha faol. Bugun, 23 fevral kuni guruhga Qo‘qondagi "G‘ishtko‘prik”da sodir bo‘lgan yo‘l-transport hodisasining suratlari joylandi. Unga ko‘ra, mashinaning tom qismida 8-10 metr uzunlikda armaturalar olib ketayotgan qora rangdagi Gaz-21 Volga avtomobili yuk og‘irligini ko‘tara olmay yonboshlab qolgani tasvirlangan. Voqyea oqibatida faqat Gaz-21 Volganing o‘ziga zarar yetgan bo‘lsa mayli edi. Mashinaning tom qismiga joylashtirilgan armaturalar Gaz-21 Volganing yonginasida harakatlanib ketayotgan Nexia rusumidagi taksi avtomobilini ham bosib qolgan. Natijada ikki mashinaga ham jiddiy zarar yetgan. Jarohatlanganlar haqida ma'lumotlar yo‘q. Voqyea joyiga zudlik bilan YPX xodimlari yetib kelgani suratlarda o‘z ifodasini topib turibdi. "Voditeli Tashkenta” guruhi a'zolari bunday holatlar yo‘llarda tez-tez uchrab turishi, yengil mashinalarga bunday og‘ir yuklarning ortilishi ko‘p hollarda YTHlarga sabab bo‘lishini aytishmoqda.

1 2 3 4 5 Категория: Har-Hil | Просмотров:2851 | Добавил: Admin | Рейтинг: 0.0/0

Всего комментариев: 0