Главная » 2023 » Mart » 29 » Qirg‘iziston—O‘zbekiston chegarasida qurol va o‘q-dorilar saqlangan yashirin joy aniqlandi

---

23:44 Qirg‘iziston—O‘zbekiston chegarasida qurol va o‘q-dorilar saqlangan yashirin joy aniqlandi

28-mart kuni Qirg‘iziston-O‘zbekiston davlat chegarasida qurol-yarog‘ va o‘q-dorilar saqlangan yashirin joy topildi. Bu haqda Qirg‘iziston Milliy xavfsizlik davlat qo‘mitasi chegara xizmati xabar berdi. Ma’lum qilinishicha, Jalolobod viloyatining Suzoq tumanida chegara posboni bilan vazifasini o‘tayotgan xizmat iti davlat chegarasidan 600 metr masofada signal bergan.  "Chegarachilar bu joyda suv qudug‘iga yashiringan arralangan 16 kalibrli ov miltig‘ini topdi”, — deyiladi xabarda. Qurol polietilen plyonka bilan o‘ralgan bo‘lgan. Qurol va o‘q-dorilar bayonnomaga muvofiq rasmiylashtirilib, Qirg‘iziston Ichki ishlar vazirligi hududiy bo‘linmasi xodimlariga topshirilgan. Yanvar oyida Qirg‘iziston va O‘zbekiston chegarasidagi "Do‘stlik” nazorat-o‘tkazish punkti yaqinida kontrabandachilar foydalanayotgan omborxona topilgandi. Omborda turli xil bolalar kiyimlari bo‘lib, har biri 25-30 kilogrammdan 27 o‘ramdan iborat mahsulot aniqlangandi. Noyabr oyida Qirg‘izistonda xalqaro narkoguruh a‘zolari qo‘lga olingandi, ular orasida O‘zbekiston fuqarosi ham aniqlangan.

1 2 3 4 5 Категория: Har-Hil | Просмотров:406 | Добавил: moderator | Теги: yangilik | Рейтинг: 0.0/0

Всего комментариев: 0