Главная » 2020 » May » 27 » Qaysi viloyatda ishsizlik darajasi yuqoriligi ma’lum qilindi

---

12:03 Qaysi viloyatda ishsizlik darajasi yuqoriligi ma’lum qilindi

Joriy yilning birinchi choragida Ishsizlikning eng yuqori darajasi Samarqand va Surxondaryoda qayd etildi. Bu haqda kecha, 26 may kuni Oliy Majlis Qonunchilik palatasidagi O‘zbekiston Liberal-demokratik partiyasi fraksiyasining videokonferensiya tarzida bo‘lib o‘tgan navbatdagi yig‘ilishida ma’lum qilindi. Yig‘ilishda deputatlar Davlat byudjeti va davlat maqsadli jamg‘armalari byudjetlarining 2020 yil birinchi chorak yakunlari bo‘yicha ham axborotini eshitdi. Qayd etilishicha, joriy yilning birinchi choragida O‘zbekistonda ishsizlik darajasi 9,4 foizni tashkil qilgan. Eng yuqori ishsizlik darajasi 9,8 foiz bilan Samarqand va Surxondaryo viloyatlarida, 9,7 foiz bilan Jizzax, Qashqadaryo, Sirdaryo va Farg‘ona viloyatlarida qayd etilgan. Eng past ko‘rsatkich Toshkent shahrida (7,8 foiz) aniqlangan. Ishga joylashtirishga muhtoj mehnat bilan band bo‘lmagan aholi (ishsizlar) soni 1 399 700 kishini tashkil etgan. Yig‘ilishda ishsiz shaxslarni haq to‘lanadigan jamoat ishlariga keng jalb etish asosida aholi bandligini ta’minlash uchun davlat rahbarining 2017 yil  24 maydagi tegishli Farmoniga muvofiq, Bandlik va mehnat munosabatlari vazirligi huzuridagi Jamoat ishlari jamg‘armasini tashkil etish muhim qadam bo‘lgani qayd etildi. Vazirlik huzuridagi Jamoat ishlari jamg‘armasi hisob raqamida 2019 yilda moliyalashtirilgan mablag‘lar hisobidan 16,9 mlrd. so‘m mablag‘ qoldig‘i mavjud bo‘lib, 2020 yil birinchi chorak davomida Respublika byudjetidan 45 mlrd. so‘m mablag‘ ajratilgani aytib o‘tildi.

1 2 3 4 5 Категория: Har-Hil | Просмотров:488 | Добавил: moderator | Теги: yangilik | Рейтинг: 0.0/0

Всего комментариев: 0