Главная » 2018 » Aprel » 15 » Qashqadaryolik yigit o‘ynashini o‘ldirib qo‘ydi

---

09:47 Qashqadaryolik yigit o‘ynashini o‘ldirib qo‘ydi

11 aprel kuni Toshkent shahrining Bektemir tumanida noxush voqea sodir bo‘ldi.   Shu kuni soat 10:00 larda, Qashqadaryo viloyati Yakkabog‘ tumani Yangiobod qishlog‘i fuqarosi J.Normo‘minov 40 yoshli ayol tanishi X.Mirzatullayevani chavoqlab o‘ldirgan. J.Normo‘minov Toshkent shahar Uchtepa tumanining Chilonzor dahasida yashayotgan edi.   Toshkent shahar IIBBning ma'lum qilishicha, Muqaddam sudlangan J.Normo‘minov X.Mirzatullayevaning uyidagi janjal vaqtida uni bo‘yin, ko‘krak va qo‘llariga pichoq bilan urib jarohat yetkazgan. Natijada X.Mirzatullayeva voqyea joyida vafot etgan.   J.Normo‘minov ayolni pichoqlab o‘ldirgani haqida o‘zi IIBB xodimlariga xabar bergan. Olib borilgan surishtiruv-tergov vaqtida ayblanuvchi fojianing qanday sodir bo‘lganligini aytib bergan.   Uning so‘zlariga ko‘ra, ayol bilan fevral oyida tasodifan tanishib qolgan. Tanishuv kunining ertasi M.J. yigitga qo‘ng‘iroq qilib, uyiga taklif qilgan. Kechki ovqatdan so‘ng spirtli ichimliklar iste'mol qilingan va o‘zaro suhbat yotoqxonada yanada yaqinroq ko‘rinishda davom etgan.   Shundan so‘ng, ayol N.J.ga tez-tez qo‘ng‘iroq qilib, aloqani davom ettirishni, yigit esa oilasi, ikki nafar farzandi borligini aytib, uni boshqa bezovta qilmaslikni so‘ragan. Biroq shunga qaramay, M.J. yigitni tinch qo‘ymasdan, bu haqda qarindoshlariga aytib berish bilan qo‘rqitgan.   Keyin esa baribir yigitning uy manzilini topib, yigitning raqifasiga ular o‘rtasida bo‘lib o‘tgan voqealarni so‘zlab bergan. Shundan so‘ng N.J. va turmush o‘rtog‘i o‘rtasidagi munosabat buzilgan.   O‘sha kuni N.J. uch farzandning onasi bo‘lgan M.X.ning uyiga borib, undan yana bir bor o‘zini va oilasini tinch qo‘yishini so‘ragan. Biroq, ayol yigitning uyiga bormasligi uchun undan doimiy ravishda uyiga kelib turishini talab qilgan.   Agar yigit ayolning aytganiga rozi bo‘lmasa, oilasini buzib tashlash bilan taxdid qilgan. Oqibatda o‘zini tutib turolmagan N.J.stoldagi pichoqni olib, ayolga bir necha bor zarba bergan. Oradan biroz vaqt o‘tib, N.J. "102” ga qo‘ng‘iroq qilib, odam o‘ldirganini aytgan.   Hozirda ushbu vaziyat bo‘yicha Bektemir tuman prokuraturasi O‘zbekiston Respublikasi Jinoyat Kodeksining 97-moddasi bilan jinoyat ishi qo‘zg‘atdi.

1 2 3 4 5 Категория: Har-Hil | Просмотров:1610 | Добавил: Admin | Теги: Qashqadaryolik yigit o‘ynashini o‘l | Рейтинг: 0.0/0

Всего комментариев: 0