Главная » 2020 » Iyul » 3 » Qarshida ham karantin choralari kuchaytiriladi

---

15:32 Qarshida ham karantin choralari kuchaytiriladi

Qarshi shahriga kirish-chiqish jiddiy nazoratga olinadi. Faoliyati to‘xtatilgan ayrim nazorat maskanlari ("postlar”) qayta tiklanadi. Bu haqda Qashqadaryo viloyati maxsus komissiyasi tegishli qaror qabul qildi, deb xabar beradi viloyat hokimligi matbuot xizmati. Ma’lumot uchun, Qashqadaryo viloyatida shu vaqtgacha koronavirus bilan kasallanish bo‘yicha jami 201 ta holat qayd etilgan. Ayni vaqtda viloyatda koronavirus infeksiyasidan tuzalganlar soni 119 nafarni tashkil etmoqda, 81 nafar bemor davolanishda. Shuningdek, bir bemor vafot etgan. Sanitariya-epidemiologik osoyishtalik agentligining 26-iyundagi qaroriga ko‘ra, Qarshi shahri "yashil” hudud sifatida belgilangandi. Avvalroq Nukus shahrida karantin choralari kuchaytirilishi, Buxoroda transportlar qatnovi va bozorlar faoliyati vaqtincha to‘xtatilgani, Jizzax shahriga kirib-chiqishda nazorat qat’iylashtirilgani, O‘zbekistonning "sariq” hududlarida soat 22:00 dan keyin maxsus ruxsatnomasiz yurgan avtomobillarga qarshi nazorat kuchaytirilishi haqida xabarlar berilgandi. O‘zbekistonda 3-iyul soat 10:00 holatiga ko‘ra, koronavirus infeksiyasi qayd etilganlar soni 9199 nafarga yetdi, 6034 nafar koronavirus infeksiyasiga chalingan fuqaro sog‘aygan, hozirga qadar mamlakatda jami 27 nafar bemor kasallik asoratlari oqibatida hayotdan ko‘z yumgan.

1 2 3 4 5 Категория: Har-Hil | Просмотров:506 | Добавил: moderator | Теги: yangilik | Рейтинг: 0.0/0

Всего комментариев: 0