Qaror: Kitoblarning narxi arzonlashadi - 5 Мая 2018 - www.Nozim-Studio.com

Главная » 2018 » May » 5 » Qaror: Kitoblarning narxi arzonlashadi

14:43 Qaror: Kitoblarning narxi arzonlashadi
Bugun, 5 may kuni O‘zbekiston Respublikasi Hukumatining "Bolalar va o‘smirlar adabiyotini nashr etish tizimini yanada takomillashtirish va davlat tomonidan qo‘llab-quvvatlash chora-tadbirlari to‘g‘risida”gi qarori qabul qilindi. Bu haqda Adliya vazirligining "Huquqiy axborot” kanali xabar bermoqda. Qarorga muvofiq, ikki oylik muddatda 2018-2022 yillarda bolalar va o‘smirlar adabiyotini nashr etish tizimini yanada takomillashtirish va davlat tomonidan qo‘llab-quvvatlash bo‘yicha quyidagilarni nazarda tutuvchi chora-tadbirlar rejasi ishlab chiqiladi: bolalar va o‘smirlar uchun mo‘ljallangan kitoblarni nashr qilishga ixtisoslashtirilgan nashriyotlarni aniqlash mezonlarini ishlab chiqish, ularni qo‘llab-quvvatlash va rivojlantirish; bolalar va o‘smirlar dunyoqarashini kengaytirish, ularni ertangi kunning chinakam qahramonlari sifatida tarbiyalashga qaratilgan asarlar yaratilishini rag‘batlantirib borish; yaratilayotgan yangi asarlarni maktab, akademik litsey va kasb-hunar kollejlari, oliy ta'lim muassasalarida keng targ‘ib qilish maqsadida ushbu asarlar mualliflari ishtirokida muntazam ijodiy uchrashuvlar tashkil etish; bolalar va o‘smirlar mavzusida ijod qilayotgan adiblarga "Ijod” jamoat fondi mablag‘lari hisobidan aniq ijtimoiy buyurtmalar berish tizimini takomillashtirish; bolalar va o‘smirlar mavzusida ijod qiladigan yosh adib va shoirlarni tarbiyalash, ularning ijod namunalarini chop etib borish. Xalq ta'limi vazirligiga: umumta'lim maktablari hamda maktabgacha ta'lim muassasalari uchun bolalar va o‘smirlarga mo‘ljallangan kitoblarni nashr etish kvotalari o‘quvchilar (tarbiyalanuvchilar) soni va ehtiyojidan kelib chiqqan holda belgilash; kvotalar asosida bolalar dunyoqarashini kengaytirishga, ularning ma'naviy, intellektual olamini boyitishga qaratilgan, bolalar psixologiyasiga mos adabiyotlarning bosqichma-bosqich chop etilishini ta'minlash topshirildi. 2018-2019 o‘quv yilidan boshlab bolalar va o‘smirlar o‘qishi zarur bo‘lgan adabiyotlar ro‘yxati shakllantiriladi. Matbuot va axborot agentligi, "Sharq” nashriyot-matbaa aksiyadorlik kompaniyasiga bolalar va o‘smirlar uchun mo‘ljallangan adabiyotlarni arzon narxlarda chop etish choralarini ko‘rish yuklandi. Shuningdek, kitob savdosi bilan shug‘ullanuvchi tashkilotlar tomonidan hududlarga kitoblarni yetkazish bilan bog‘liq xarajatlarni hisob-kitob qilishda bolalar va o‘smirlarga mo‘ljallangan kitoblar narxining asossiz ravishda oshib ketishiga yo‘l qo‘ymaslik bo‘yicha zururiy choralar ko‘riladi.
1 2 3 4 5 Категория: Har-Hil \| Просмотров:1116 \| Добавил: Moderator \| Рейтинг: 0.0/0