Rossiya prezidenti Vladimir Putinning matbuot kotibi Dmitriy Peskov xorij OAVlari tomonidan Putin farzand ko‘rgani haqida tarqatilgan xabarlarni butunlay inkor qildi, deb xabar bermoqda "RIA Novosti”.Putin bir hafta davomida ommaga ko‘rinish bermagach, bir qancha taxminlar ilgari surilgan bo‘lib, ulardan biri aynan Rossiya prezidentining farzand ko‘rgani haqida edi.

Dmitriy Peskov kinoya bilan puli bor odamalarga murojaat qilib bunday taxminlarni o‘ylab topgan jurnalistlar o‘rtasida eng yaxshi lofni aniqlash bo‘yicha chempionat o‘tkazishni so‘rashni rejalashtirayotganini ma’lum qilgan.

Eslatib o‘tamiz, 13-mart kuni Kreml matbuot xizmati Putinning rasmiy uchrashuvidan fotosuratlarni namoyish etgan edi.