Главная » 2023 » Iyul » 18 » Putinni hibsga olish Rossiyaga urush e’lon qilishni anglatadi — JAR prezidenti

---

22:35 Putinni hibsga olish Rossiyaga urush e’lon qilishni anglatadi — JAR prezidenti

Janubiy Afrika Respublikasi prezidenti Siril Ramafosa mamlakat rasmiylari Rossiya prezidenti Vladimir Putinni BRIKS sammitida bo‘lgan vaqtida hibsga olmoqchi emasligini aytdi. Bu haqda Insider Paper xabar berdi. Putin kelasi oy Yoxannesburgda bo‘lib o‘tadigan BRIKS sammitiga taklif qilingan, biroq unga qarshi Xalqaro jinoiy sudi (XJS) tomonidan hibsga olish orderi berilgan. XJS a’zosi sifatida JAR Rossiya rahbarini hibsga olib, uni Xalqaro jinoiy sudga topshirishi kerak. JAR rahbari Putinning hibsga olinishi Rossiyaga urush e’lon qilishni bildirishini aytdi. Ramafosa "Rossiya bilan urushga kirishish JAR Konstitutsiyasiga to‘g‘ri kelmasligi” va bu uning mamlakatni himoya qilish burchiga zid ekanini ta’kidladi. "Rossiya bilan urushga kirishish bizning konstitutsiyamizga to‘g‘ri kelmaydi. Men Respublikaning milliy suvereniteti, tinchligi va xavfsizligini himoya qilish, respublika aholisining yashash va xavfsizlik huquqlarini hurmat qilish, himoya qilish, ilgari surish va amalga oshirish bo‘yicha konstitutsiyaviy majburiyatlarga egaman”, — dedi u.

1 2 3 4 5 Категория: Har-Hil | Просмотров:71 | Добавил: moderator | Теги: yangilik | Рейтинг: 0.0/0

Всего комментариев: 0