Главная » 2023 » Fevral » 24 » Putin yadro qurolidan foydalanishga qaror qilgani haqida hech qanday belgi yo‘q

---

21:38 Putin yadro qurolidan foydalanishga qaror qilgani haqida hech qanday belgi yo‘q

AQSH Vladimir Putinning na Ukrainada, na boshqa joyda yadro qurolidan foydalanishga tayyor ekaniga biror belgi ko‘rmoqda. Bu haqda AQSH Xavfsizlik kengashi vakili Jon Kirbi "Dojd” nashriga bergan intervyusida aytib o‘tdi. "Biz Rossiyaning yadro quroli sohasida qilayotgan ishlarini diqqat bilan kuzatib boryapmiz va hozir xulosa qilishimiz mumkinki, Putin Ukrainada yoki boshqa joyda yadro qurolidan foydalanishga qaror qilgani haqida hech qanday alomat ko‘rmayapmiz”, — dedi Kirbi. U, shuningdek, Vashington hozir Putinning Strategik qurollarni qisqartirish bo‘yicha shartnomada Rossiyaning ishtirokini to‘xtatib qo‘yish haqidagi bayonoti aynan nimani anglatishini tahlil qilayotganini ta’kidladi. Financial Times gazetasi 23-fevral kuni Kremlga yaqin manbalariga tayanib, Putin Ukrainada yadro qurolidan foydalanish imkoniyatini allaqachon ko‘rib chiqqani va hatto cheklangan yadroviy zarba ham Rossiyaga foyda keltirmaydi, degan xulosaga kelgani haqida yozgandi. Putin 21-fevral kuni Federal Majlisga murojaati chog‘ida Rossiyaning Strategik qurollarni qisqartirish bo‘yicha shartnomadagi ishtiroki to‘xtatilishini ma’lum qildi. Rossiya prezidentining taʼkidlashicha, gap kelishuvdan to‘liq chiqish haqida emas.

1 2 3 4 5 Категория: Har-Hil | Просмотров:154 | Добавил: moderator | Теги: yangilik | Рейтинг: 0.0/0

Всего комментариев: 0