Главная » 2020 » May » 26 » Putin qoldirilgan G‘alaba paradi qachon o‘tkazilishini e’lon qildi

---

17:42 Putin qoldirilgan G‘alaba paradi qachon o‘tkazilishini e’lon qildi

Ma’lumki, joriy yilda 9 may kuni ikkinchi jahon urushida Germaniya ustidan qozonilgan g‘alaba sharafiga an’anaviy tarzda o‘tkazib kelinadigan Moskvadagi G‘alaba paradi koronavirus pandemiyasi sabab qoldirilgandi. Rossiya Federatsiyasi Prezidenti Vladimir Putin mamlakatda koronavirus tarqalishi o‘zining avj pallasidan o‘tganini ma’lum qilib, G‘alaba paradiga tayyorgarlikni boshlashga ko‘rsatma berdi.  RF Mudofaa vaziri Sergey Shoygu bilan uchrashuvda Putin parad 24 iyun kuni o‘tkazilishini ma’lum qildi. Ma’lumot o‘rnida, bu yilgi harbiy paradda O‘zbekiston Prezidenti Shavkat Mirziyoyev ham ishtirok etishi taxmin qilinayotgandi. Eslatib o‘tamiz, 9 may Germaniya ustidan qozonilgan g‘alaba sharafiga sobiq SSSR tarkibida bo‘lgan davlatlardan faqatgina Belarus va Turkmaniston parad uyushtirdi. Turkmanistonda bunday parad birinchi marta o‘tkazildi.

1 2 3 4 5 Категория: Har-Hil | Просмотров:610 | Добавил: moderator | Теги: yangilik | Рейтинг: 0.0/0

Всего комментариев: 0