Главная » 2020 » Fevral » 4 » Putin matbuot kotibi Shavkat Mirziyoyevning Rossiyaga tashrifi bekor qilingani haqidagi xabarlarga izoh berdi

---

17:15 Putin matbuot kotibi Shavkat Mirziyoyevning Rossiyaga tashrifi bekor qilingani haqidagi xabarlarga izoh berdi

O‘zbekiston Prezidenti Shavkat Mirziyoyev joriy yilning 5-fevralida Rossiyaga tashrif buyurishi haqida xabar berilgan edi. Mazkur masala yuzasidan Rossiya prezidenti matbuot kotibi Dmitriy Peskov bayonot bilan chiqib, Mirziyoyevning Moskvaga tashrifi rejada bo‘lmaganini bildirdi. "5-fevral kuniga bunday tashrif rejalashtirilmagandi. Prezident tashrifi bo‘yicha hech qanday reja yo‘q edi, shu tufayli tashrif qoldirilgani to‘g‘risidagi gapga o‘rin yo‘q. Bu to‘g‘ri ma’lumot emas”, — deya Peskovning so‘zlarini keltirgan "RIA Novosti”. Bundan avvalroq "Kompaniya” jurnali Rossiya Tashqi ishlar vazirligidagi manbasiga asoslanib, Shavkat Mirziyoyevning 5-fevral kuni Moskvaga amalga oshirilishi kerak bo‘lgan tashrifi bekor qilingani to‘g‘risida xabar tarqatgandi. Eslatib o‘tamiz, Shavkat Mirziyoyev 5-fevralda Rossiyaga tashrif buyurishi haqida Oliy Majlis Senati raisining birinchi o‘rinbosari Sodiq Safoyev o‘tgan yilning oktabr oyida xabar bergan edi. Rossiya parlamenti raisi Valentina Matviyenko mazkur ma’lumotni tasdiqlab, O‘zbekistonning Yevrosiyo iqtisodiy ittifoqiga qo‘shilish tarafdori ekanini ochiqlagan edi. O‘zbekiston Tashqi ishlar vazirining o‘rinbosari Ilhom Ne’matov esa "RIA Novosti”ga bergan intervyusida tashrif 5-fevralga rejalashtirilganini aytgan edi. 24-yanvarda esa O‘zbekiston tashqi ishlar vaziri Abdulaziz Komilov Rossiya tashqi ishlar vaziri Sergey Lavrov bilan telefon orqali suhbatlashib, Shavkat Mirziyoyevning Rossiyaga tashrifiga tayyorgarlik masalalarini muhokama qilgandi.

1 2 3 4 5 Категория: Har-Hil | Просмотров:421 | Добавил: moderator | Теги: yangilik | Рейтинг: 0.0/0

Всего комментариев: 0