Главная » 2020 » Aprel » 1 » Putin hukumatga favqulodda holat e’lon qilish vakolatini berdi

---

22:37 Putin hukumatga favqulodda holat e’lon qilish vakolatini berdi

Rossiya prezidenti Vladimir Putin hukumatga mamlakat yoki uning muayyan qismida favqulodda holat va kuchaytirilgan tartib rejimini e’lon qilish vakolatini berdi. Rossiya davlat rahbari ushbu chora ko‘zda tutilgan qonunni imzoladi, deb xabar bermoqda "RIA Novosti”. Qonun sharhida hujjatning mamlakatda koronavirus infeksiyasining tarqalishi sabab yuzaga kelayotgan hodisalarga nisbatan favqulodda choralar ko‘rish yuzasidan munosabatlarni tartibga solish uchun qabul qilingani qayd etilgan. Shuningdek, Rossiya vazirlar mahkamasi tibbiyot buyumlari savdosini cheklash, harbiy harakatlarni amalga oshirish maqsadida favqulodda holat, profilaktika va kasallikni davolashda ishlatiladigan preparatlar va tibbiyot vositalarini ro‘yxatga olish bo‘yicha alohida tartib joriy qilish vakolatini ham olgan. Qonun hukumatga 2020-yilda yagona yetkazib beruvchidan xaridlar amalga oshirishga ham ruxsat beradi. Hujjatda tomonlarga bog‘liq bo‘lmagan sharoitdan, ya’ni koronavirus tarqalishi bilan bog‘liq vaziyatlardan kelib chiqib shartnomalarning ijro muddatini o‘zgartirish mumkinligi ko‘zda tutilgan. Shuningdek, endi RF vazirlar mahkamasi bankrotlik haqidagi ishlarga nisbatan moratoriy e’lon qilish imkoniyatiga ham ega. Bundan tashqari, qonunda turoperatorlarni qo‘llab-quvvatlash masalalari ham hisobga olingan: yangi moddaga ko‘ra, shaxsiy javobgarlik bo‘yicha fondlarga to‘lovlar muddatini o‘zgartirish, shuningdek, bu kabi jamg‘armalarning turistlarga hukumatning har bir "yopiq” davlat bo‘yicha chiqarilgan qarori asosida mablag‘larni qaytarish mexanizmi ham ishlab chiqilgan. Avvalroq Vladimir Putin tashrif buyurgan shifoxonaning bosh shifokorida koronavirus aniqlangani, Moskvada yashovchi aholi chiqindi tashlagani chiqish uchun ham ruxsatnoma olish majburiyatini olayotgani xabar qilingandi.

1 2 3 4 5 Категория: Har-Hil | Просмотров:549 | Добавил: moderator | Теги: yangilik | Рейтинг: 0.0/0

Всего комментариев: 0