Главная » 2018 » May » 23 » Prokuratura qancha noqonuniy pulni musodara qilgani haqida ma'lumot berdi

---

20:05 Prokuratura qancha noqonuniy pulni musodara qilgani haqida ma'lumot berdi

O‘zbekiston Respublikasi Bosh prokuraturasi huzuridagi Departament organlari tomonidan 2018 yilning o‘tgan davrida soliq, noqonuniy valyuta aylanmasi jinoiy daromadlarni legallashtirish hamda korrupsiya va "xufyona” iqtisodiyotga qarshi kurash, tadbirkorlikni qo‘llab-quvvatlash borasida muayyan ishlar amalga oshirildi. Bu haqda Bosh Prokuratura Matbuot xizmati xabar berdi.   Xususan, joylarda qonunchilikda taqiqlanmagan faoliyat bilan davlat ro‘yxatidan o‘tmasdan shug‘ullanib kelgan shaxslarga huquqiy va amaliy yordam ko‘rsatilishi natijasida 1391 nafar shaxslarning faoliyatiga qonuniy tus berilib, ularda 1452 ta yangi ish o‘rinlari yaratildi.   Jinoyatlarni bevosita tezkor yo‘llar bilan aniqlash orqali soliq bazasini kengaytirish ishlari kuchaytirildi.   Tezkor tadbirlar natijasida 20723 ta huquqbuzarliklar aniqlanib, 1361 ta jinoyatlar fosh etildi va 1354 ta ma'muriy ishlar yuritildi.   Jumladan, tadbirkorlik sub'yektlarining huquq va qonuniy manfaatlarini buzish bilan bog‘liq 202 ta jinoyat ishi qo‘zg‘atildi.   Shuningdek, hisoblangan mablag‘lar va aniqlangan zarar miqdori 525,5 mlrd. so‘mni, undirilgan mablag‘ 160,4 mlrd. so‘mni tashkil qildi.   Shu jumladan, byudjetga 303,3 mlrd. so‘m qo‘shimcha mablag‘lar hisoblanib, shundan 112,4 mlrd. so‘mining undirilishi ta'minlandi.   Shuningdek, xorijiy valyutaning noqonuniy aylanmasiga qarshi kurashish borasida keng qamrovli tezkor tadbirlar o‘tkazilishi natijada, jami 1099 ta qonunbuzarlik aniqlanib, huquqbuzarlardan noqonuniy muomalaga kiritilgan 1 million 350 ming AQSH dollari va 3 milliard 200 million so‘m ashyoviy dalil sifatida olib qo‘yilgan.

1 2 3 4 5 Категория: Har-Hil | Просмотров:1206 | Добавил: Moderator | Рейтинг: 0.0/0

Всего комментариев: 0