Главная » 2017 » Avgust » 24 » Prezident qarori: Qurbon hayiti 1 sentyabr kuni nishonlanadi

---

16:59 Prezident qarori: Qurbon hayiti 1 sentyabr kuni nishonlanadi

Shavkat Mirziyoyev 24 avgust kuni "Qurbon hayitini nishonlash to‘g‘risida”gi qarorni imzoladi.   O‘zbekiston Respublikasi Prezidenti qarori   Muborak Qurbon hayitining ma'naviy hayotimizdagi o‘rni, mohiyati va ahamiyatini, xalqimizga mansub mehr-oqibat, shukronalik va bag‘rikenglik ramzi ekanini e'tiborga olib, milliy-diniy qadriyatlarimizni asrash va ulug‘lash maksadida: 1. O‘zbekiston musulmonlari idorasining joriy yilda Qurbon hayitining birinchi kuni 1 sentyabr juma kuniga to‘g‘ri kelishi haqidagi murojaatini inobatga olib, 2017 yil 1 sentyabr mamlakatimizda bayram sifatida keng nishonlansin. 2. Respublika "Nuroniy”, "Mahalla” jamg‘armalari va boshqa barcha mutasaddi idoralar, jamoat tashkilotlari Qurbon hayitining joylarda tartibli va yuqori darajada, xalqimizning milliy qadriyatlariga mos ravishda o‘tishi uchun tegishli tadbirlarni amalga oshirsin. 3. O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bog‘liq tadbirlarni keng yoritish tavsiya etilsin.   O‘zbekiston Respublikasi Prezidenti Shavkat Mirziyoyev Toshkent, 24 avgust

1 2 3 4 5 Категория: Har-Hil | Просмотров:1568 | Добавил: Admin | Теги: Prezident qarori: Qurbon hayiti 1 s | Рейтинг: 0.0/0

Всего комментариев: 0