Главная » 2018 » May » 3 » Prezident aytdi: Namanganda avtomobil zavodi quriladi

---

20:06 Prezident aytdi: Namanganda avtomobil zavodi quriladi

Avvalroq, O‘zbekiston Respublikasi Prezidenti Shavkat Mirziyoyev raisligida Norin tumani hokimiyatida viloyat faollari, hokimlar, sektorlar rahbarlari va boshqa mutasaddilar ishtirokida yig‘ilish o‘tkazilgani haqida xabar bergan edik.   Prezident yig‘ilishda viloyatda aholi jon boshiga to‘g‘ri keladigan daromad, sanoat mahsulotlari ishlab chiqarish va xizmat ko‘rsatish mamlakatdagi o‘rtacha ko‘rsatkichdan bir necha barobar pastligi, ayrim tumanlarda sanoat korxonalari umuman yo‘qligini tanqid ostiga oldi.   Namanganda tadbirkorlikni yanada rivojlantirish, aholiga daromad manbalari yaratish, qariyb oltmish ming ish o‘rni yaratish bo‘yicha chora-tadbirlar ishlab chiqilganini ma'lum qildi. Prezident Namanganni rivojlantirish haqida oliyjanob g‘oyalarni ilgari surar ekan, Asakadagidan qolishmaydigan avtomobil zavodi qurish taklifini o‘rtaga tashladi.   "Namanganda Markaziy Osiyodagi eng yirik avtomobil zavodi quriladi. Oldindan aytishim mumkin bu – Hyundai bo‘ladi. Hozircha, andijonliklarga maqtanmay turinglar!”, degan Shavkat Mirziyoyev.   Shuningdek, davlat rahbari Norindaryodan unumli foydalanish maqsadida 200 dan ortiq suv havzalari tashkil etib, ularda noyob baliqlarni parvarishlab, aholiga yetkazilsa, go‘sht arzonlashiga sabab bo‘lishini ta'kidlagan.   Mavzuga doir: Namanganda avtomobil ishlab chiqarish yo‘lga qo‘yildi

1 2 3 4 5 Категория: Har-Hil | Просмотров:1133 | Добавил: Moderator | Рейтинг: 0.0/0

Всего комментариев: 0