Главная » 2020 » Mart » 30 » Portugaliyada 14 yoshli o‘smir koronavirus oqibatida vafot etdi

---

16:39 Portugaliyada 14 yoshli o‘smir koronavirus oqibatida vafot etdi

Portugaliyalik o‘smir COVID-19 koronavirusi oqibatida vafot etdi. Bu haqda mamlakat sog‘liqni saqlash vaziri Marta Temidoga tayanib, "RIA Novosti” xabar berdi. 29-mart holatiga ko‘ra, butun mamlakat bo‘ylab qariyb 6 ming kishida koronavirus aniqlangan, ularning 119 nafari vafot etgan (o‘tgan kunning o‘zida — 19 kishi). Vazirning tushuntirishicha, 14 yoshli o‘smir Ovar shahrida yashagan, u immunitet tanqisligi sindromidan aziyat chekib kelgan. Bu borada batafsil ma’lumotlar keltirilmagan. Uning so‘zlariga ko‘ra, mamlakatda pandemiyaning yuqori cho‘qqisi may oxirlarida ro‘y berishi kutilmoqda. Eslatib o‘tamiz, O‘zbekistonda koronavirus bilan kasallanganlar soni 145 kishiga yetdi. Respublika maxsus komissiyasi tomonidan shaxsiy transportdan foydalanishga cheklov o‘rnatildi. Huquqbuzar fuqarolarga nisbatan Ma’muriy javobgarlik to‘g‘risidagi kodeksning 54-moddasi asosida jarima qo‘llanilmoqda.

1 2 3 4 5 Категория: Har-Hil | Просмотров:572 | Добавил: moderator | Теги: yangilik | Рейтинг: 0.0/0

Всего комментариев: 0