Главная » 2018 » Iyun » 16 » Portugaliya – Ispaniya: Ronalduning xet-triki Portugaliyani alamli mag‘lubiyatdan qutqarib qoldi

---

10:06 Portugaliya – Ispaniya: Ronalduning xet-triki Portugaliyani alamli mag‘lubiyatdan qutqarib qoldi

"V” guruhidan o‘rin olgan Portugaliya hamda Ispaniya terma jamoalari o‘rtasidagi uchrashuv fantastik tarzda yakuniga yetdi. Qiziqarli, ochiq, jangovor o‘yinda 3:3 hisobi qayd etildi.   Dastlab, Ronaldu penaltidan hisobni ochgan bo‘lsa, Kosta muvozanatni tikladi. 44-daqiqada Ronaldu Portugaliyani yana hisobda oldinga olib chiqdi. 55-daqiqada Kosta yana bir goli bilan oradagi farqni tenglashtirdi. Oradan uch daqiqa o‘tar-o‘tmas, Nacho supergoli evaziga Ispaniyani hisobda oldinga olib chidi.   Ammo 88-daqiqada Ronaldu jarima zarbasidan unumli foydalanib, uchrashuv durang hisobda yakunlanishini ta'minladi. Bir so‘z bilan aytganda Ronalduning gollari Portugaliyani alamli mag‘lubiyatdan qutqardi.   JCH-2018. "V” guruhi Portugaliya – Ispaniya 3:3 (2:1). Gollar: Ronaldu (4, penalti, 44, 88) – Diyego Kosta (24, 55), Nacho (58).   Portugaliya: Ruy Patrisiu, Soaresh, Pepe, Fonte, Gerreyru, Bernardu Silva (Kuarejma, 69), Moutinyu, Vilyam Karvalyu, Brunu Fernandesh (Joau Mariu, 68), Gonsalu Gedesh (Andre Silva, 80), Ronaldu.   Ispaniya: De Xea, Nacho, Pike, Ramos, Alba, Koke, Buskets, Inyesta (Alkantara, 70), Silva (Vaskes, 86), Diyego Kosta (Aspas, 77), Isko.   Ogohlantirishlar: Buskets (17), Brunu Fernandesh (28).

1 2 3 4 5 Категория: Har-Hil | Просмотров:1276 | Добавил: Moderator | Рейтинг: 0.0/0

Всего комментариев: 0