Главная » 2020 » Mart » 28 » Peugeot rahbari kabriolet va kupelar nima sababdan yo‘qolib ketayotganini tushuntirdi

---

11:00 Peugeot rahbari kabriolet va kupelar nima sababdan yo‘qolib ketayotganini tushuntirdi

Peugeot rahbari Jan-Filipp Imparato kupe va kabrioletlarni ishlab chiqarish nima sababdan kamayib ketganini so‘zlab berdi, deb xabar qiladi Motor. Fransuz firmasi rahbarining aytishicha, ikki eshikli versiyani ishlab chiqarish investitsiya talab qiladi, bugungi kunda esa avtomobil ishlab chiqaruvchilar elektrokarlarga, uchuvchisiz uchish qurilmalari va 5G aloqa tarmog‘i texnologiyalariga mablag‘ yo‘naltirishni ma’qul ko‘rmoqda. Britaniyaning Autocar jurnaliga bergan intervyusida Imparato kupe va kabirolet kuzovli avtomobillarni yaxshi ko‘rishini, biroq erkin mablag‘lar yo‘qligi avtokonsern egalarini nimadandir voz kechishga majbur qilayotganini ta’kidlagan. Kupe/kabirolet oilasiga mansub avtomobillarni yaratish ko‘p mablag‘ va resurs talab qiladi, shu sababli ikki eshikli "drayverlar”ga mablag‘ tikish iqtisodiy jihatdan o‘zini oqlamaydi. Bu esa Volskwagen va Mercedes-Benz kabi yirik avtomobil ishlab chiqaruvchilarini ham kupe kuzovli mashinalardan voz kechishga majbur qiladi. Shu bilan birga, ikki eshikli kuzovlar yana modaga aylanadigan bo‘lsa, kupe va kabrioletlar sonining kamayishi qayta ko‘rib chiqilishi mumkin. Agar avtomobil bozorida Mustang’ning zamonaviy muqobilligiga o‘xshash bestseller-model paydo bo‘lsa, bu kupe va kabrioletlarning qayta urfga kirishi yo‘lida samarali katalizator vazifasini o‘taydi.

1 2 3 4 5 Категория: Har-Hil | Просмотров:521 | Добавил: moderator | Теги: yangilik | Рейтинг: 0.0/0

Всего комментариев: 0