Главная » 2020 » Aprel » 16 » Pandemiya davrida oltin narxi ham oshadi – Zafar Hoshimov

---

21:51 Pandemiya davrida oltin narxi ham oshadi – Zafar Hoshimov

Koronavirus pandemiyasi ortidan kelgan inqiroz oltin narxini oshishiga sabab bo‘lishi mumkin. Bu haqda "Korzinka.uz” supermarketlari asoschisi Zafar Hoshimov Mfaktor.uz loyihasiga bergan onlayn-intervyusida aytib o‘tdi.  "Valyuta bo‘yicha bir nima deya olmayman. Bu ko‘plab omillarga bog‘liq. Inqirozda bunday holatlar kuzatiladi. Amerikada shunday tizim o‘rnatilganki, qayerda bo‘ron bo‘lmasa, o‘sha yerdan panoh topiladi. Bu xuddiki  dollar, oltin va shu kabi ko‘rinishlarga pul tikishga o‘xshaydi. Dollar baribir oshadi. Qanchaga oshadi buni aytolmayman. Uning oshishini bilgan odam gapirib o‘tirmaydi, degan naql bor-ku”, deydi Zafar Hoshimov.  Ko‘plab mamlakatlarda dollarning oshishi bilan bog‘liq holat ko‘p o‘tmay O‘zbekistonga ham o‘z ta’sirini keo‘rsatdi va bugun 16 apreldan e’tiboran mamlakatda xorijiy valyutalar kursi keskin ko‘tarildi. Unga ko‘ra, 1 AQSH dollari 10 121 so‘mni tashkil etib, o‘tgan haftadagi kursga nisbatan 427 so‘m 64 tiyinga qimmatlashdi. 1 yevro kursi 11 111 so‘m 85 tiyinga baholanib, 512,16 so‘mga qimmatlashdi. Rubl kursi o‘tgan haftaga nisbatan 7 so‘m 26 tiyinga qimmatlashdi. Xususan, 1 rubl 138 so‘m 69 tiyin etib belgilangan.  Zafar Hoshimov O‘zbekiston Markaziy bankiga ishonishini aytmoqda. Shuningdek, O‘zbekistonning oltin eksport qilishi dollarning narxiga ta’sir qilishini ta’kidladi.  "Bunaqa paytda oltinning narxi oshadi. Biz oltin eksport qilamiz va bu dollarni oshib ketmasligi uchun omil bo‘lib xizmat qilishi mumkin. Bugungi kunda O‘zbekiston Markaziy bankiga ishonchim juda katta. Shu kungacha ko‘ryapmanki, ular juda shaffof ishlab kelishmoqda. Lekin ma’lum ma’noda, so‘mning sustashishi kutilmoqda. Markaziy bank narx birdan sakrab ko‘tarilib ketishi imkoniyati juda pastligini aytmoqda. Masalan, men bu fikrdan qanoatlandim”, deydi tadbirkor.

1 2 3 4 5 Категория: Har-Hil | Просмотров:631 | Добавил: moderator | Теги: yangilik | Рейтинг: 0.0/0

Всего комментариев: 0