Главная » 2018 » Yanvar » 25 » Ozodbek Nazarbekov boshqa lavozimga tayinlandi

---

20:47 Ozodbek Nazarbekov boshqa lavozimga tayinlandi

O`zbekiston Respublikasi Prezidentining 2017 yil 3 avgust kuni O`zbekiston ijodkor ziyolilari bilan bo`lib o`tgan uchrashuvda, "O`zbekkonsert” Davlat muassasasi huzurida "O`zbekiston Xalq artistlari klubi”ni tashkil etish bo`yicha bildirgan fikrlari ijrosini ta`minlash maqsadida, «O`zbekkonsert» Davlat muassasasi huzurida "O`zbekiston xalq artistlari klubi” tashkil qilindi va Klub Nizomi ishlab chiqilgandi. 17 avgust kuni bo`lib o`tgan tashkiliy yig`ilishda mazkur Klubga O`zbekiston xalq artisti Farrux Zokirov rais etib tayinlangan edi. 24 yanvar kuni bo`lib o`tgan Klubning navbatdagi yig`ilishida bir qator O`zbekiston xalq artistlari, O`zbekistonda xizmat ko`rsatgan artistlar ishtirok etishdi. Yig`ilish davomida klub faoliyatini yanada yaxshilash hususida so`z borib, endilikda, unga O`zbekiston Respublikasi Madaniyat vazirining birinchi o`rinbosari O`zbekiston va Qoraqalpog`iston xalq artisti Ozodbek Nazarbekov raisi etib saylandi. Klubning asosiy maqsadi — mamlakatimizda milliy estrada san`atini rivojlantirish, avvalo ijodkorlarni o`z faoliyati bilan yoshlarga o`rnak bo`lish, bilim va tajribalarini yoshlarga o`rgatishdir. Shuningdek, ustoz san`atkorlar milliy estrada san`atini har qanday begona ta`sirlardan, ayniqsa, yosh iste`dod sohiblarini "ommaviy madaniyat” ruhidagi oqimlardan himoya qilish, mazmunsiz, saviyasi past qo`shiqlarning paydo bo`lishini oldini olish, xorijiy san`atkorlarning ijrosi va hatti-harakatlariga taqlid qilish kabi salbiy holatlarni bataraf etishga birinchi vazifa deb qarashmoqda. Eslatib o`tamiz, 2017 yilning 17 avgustidan to bugunga qadar, mazkur klub olti marotaba yig`ilish o`tkazdi.

1 2 3 4 5 Категория: Har-Hil | Просмотров:1682 | Добавил: Admin | Теги: Ozodbek Nazarbekov boshqa lavozimga | Рейтинг: 5.0/1

Всего комментариев: 0