Главная » 2022 » Yanvar » 16 » Omikrondan keyin koronavirusning yangi shtammlari paydo bo‘lishi mumkin

---

21:25 Omikrondan keyin koronavirusning yangi shtammlari paydo bo‘lishi mumkin

Omikron shtammining tez tarqalishi koronavirusning yangi mutatsiyalariga olib kelishi mumkin, deydi amerikalik mutaxassislar. "Omikron qanchalik tez tarqalsa, yangi variantlarga olib keladigan mutatsiyalar uchun shunchalik ko‘p imkoniyat yaratiladi”, — deya Boston universiteti epidemiologi Leonardo Martinesning so‘zlarini keltirgan Associated Press. Jons Hopkins universitetining yuqumli kasalliklar bo‘yicha mutaxassisi Styuart Kempbell Rey yangi shtammlar paydo bo‘lishi uchun "juda keng tarqalgan infeksiya” zarurligini tasdiqlagan. Shu bilan birga, Reyning so‘zlariga ko‘ra, omikron shtammi koronavirus oqibatidagi o‘limlarning pasayishiga olib kelmasligi mumkin. Omikron avvalgi shtammlarga qaraganda unchalik xavfli emas, deb hisoblanadi, ammo bu koronavirusning keyingi mutatsiyalari ham shunday bo‘lishini anglatmaydi, deydi mutaxassis. "Odamlarda vaqt o‘tishi bilan virus yuqishi osonlashadimi, degan savol tug‘ilmoqda. Ammo buning uchun alohida sabab yo‘q. Virusning halokatlilik darajasi kamayishiga ishonchimiz komil emas”, — ta’kidlagan Rey. Uning so‘zlariga ko‘ra, agar virus o‘z tashuvchisini qisqa vaqtda o‘ldirsa ham, faol ravishda tarqala olmasa ham, infeksiyani bir vaqtning o‘zida o‘ta yuqumli va xavfli bo‘lishiga imkon beruvchi boshqa sxemalar mavjud. Masalan, virus shunday joylashishi mumkinki, uni yuqtirgandan so‘ng odam osongina kasallanadi va bu vaqtda boshqalarga ham faol yuqtiradi, so‘ng ularning ahvoli yomonlashadi. Bu olimlarning yangi shtammlar xavfi haqida birinchi marta ogohlantirishi emas. "Virusning evolyutsiyasi omikron variantida to‘xtaydi, degan fikr — sodda o‘ylash. Agar evolyutsiya jarayonida sharoitga ko‘proq mos keladigan shtamm tanlansa, u holda omikron siqib chiqariladi, keyingisi paydo bo‘ladi”, — degandi Rossiya Sog‘liqni saqlash vazirligining yuqumli kasalliklar bo‘yicha bosh mustaqil mutaxassisi Vladimir Chulanov "RBK”ga bergan intervyusida

1 2 3 4 5 Категория: Har-Hil | Просмотров:358 | Добавил: moderator | Теги: yangilik | Рейтинг: 0.0/0

Всего комментариев: 0