Главная » 2018 » May » 7 » Olmazordagi olmalar o‘z o‘rnini haqiqiy egasiga bo‘shatib berdi

---

19:30 Olmazordagi olmalar o‘z o‘rnini haqiqiy egasiga bo‘shatib berdi

Avvalroq, O‘zbekiston Respublikasi Prezidenti Shavkat Mirziyoyevning tashabbusi bilan Sobir Rahimov haykali Toshkent shahridagi eski joyiga, hozirgi Olmazor tumani qarshisidagi maydonga o‘rnatilishi haqida xabar bergan edik.   Haykal allaqachon o‘z joyiga qaytarildi. Ayni damda ushbu maydonda aholining dam olishi va hordiq chiqarishi uchun so‘nggi obodonlashtirish ishlari amalga oshirilmoqda.   Ertaga, 8 may kuni soat 08:00da ushbu haykalning o‘z yeriga qaytarilishi munosabati bilan marosim o‘tkaziladi. Unda O‘zbekiston Respublikasi Mudofaa vaziri Abdusalom Azizov ishtirok etishi kutilmoqda. Bu haqda "Qalampir.uz" manbasi xabar qildi.   Ma'lumot o‘rnida, Ikkinchi jahon urushida o‘ziga xos qahramonlik ko‘rsatgan genaral Sobir Rahimov haykali 1981 yilda ushbu maydonga o‘rnatilgan edi.   2010 yilda tuman nomi Olmazorga o‘zgartirildi. Haykal tagi bilan qo‘porilib, G‘afur G‘ulom nomidagi madaniyat va istirohat bog‘iga ko‘chirildi. Uning o‘rni esa tuman nomiga mos tarzda olmazor qilindi.   Tumanda joylashgan Sobir Rahimov nomidagi 133-umumiy o‘rta ta'lim maktabidan qahramon nomi olib tashlandi. Uning byusti yo‘q qilindi.   Sobir Rahimov 1902 yilda Toshkent shahrida tug‘ilgan. 1941-1945 yillarda Ikkinchi jahon urushi frontida janglar olib borgan va yosh bo‘lishiga qaramasdan general, Sobiq Ittifoq Qahramoni unvonlariga loyiq ko‘rilgan.

1 2 3 4 5 Категория: Har-Hil | Просмотров:1185 | Добавил: Moderator | Рейтинг: 0.0/0

Всего комментариев: 0