Главная » 2020 » Aprel » 1 » Olmaotaga blokpostlarni aylanib o‘tib kirmoqchi bo‘lgan 3 nafar o‘zbekistonlik qamoqqa olindi

---

14:56 Olmaotaga blokpostlarni aylanib o‘tib kirmoqchi bo‘lgan 3 nafar o‘zbekistonlik qamoqqa olindi

Qozog‘istonning Olmaota shahrida karantin rejimini buzgan uch nafar O‘zbekiston fuqarosi qo‘lga olindi, deb xabar bermoqda Kazinform. Huquq-tartibot idoralari xodimlarining so‘zlariga ko‘ra, shaharda favqulodda holat e’lon qilinganiga qaramay o‘tish punktlarini noqonuniy chetlab o‘tganlar hali ham uchrab turibdi. "Alatau tumanida O‘zbekistonning uch fuqarosi qo‘lga olindi. Ular Burunday mikrorayonida joylashgan 3-stansiyani chetlab o‘tib, shaharga kirishga harakat qilishdi. Biroq bu urinish natija bermadi. Ular ish izlab Olmaotaga kelishgan. Aytishlaricha, karantin haqida bilishmagan. Albatta, bu ularni javobgarlikdan ozod qilmaydi”, — degan Alatau tumani ichki ishlar boshqarmasi boshlig‘i Ulan Abilqayir. Qayd etilishicha, ushbu fuqarolar Ma’muriy huquqbuzarlik to‘g‘risidagi kodeksning 476-moddasi (Favqulodda holat rejimini buzish) bo‘yicha ma’muriy javobgarlikka tortildi va ular ma’muriy qamoqqa olindi. Eslatib o‘tamiz, Qozog‘istonda koronavirus tarqalishi munosabati bilan 16-martdan 15-aprelga qadar favqulodda holat rejimi joriy qilingan. Bugungi kunda mamlakatda  koronavirus bilan kasallanganlar soni 348 kishiga yetdi, 3 kishi vafot etdi.

1 2 3 4 5 Категория: Har-Hil | Просмотров:567 | Добавил: moderator | Теги: yangilik | Рейтинг: 0.0/0

Всего комментариев: 0