Главная » 2020 » Iyun » 22 » Olmaota viloyati hokimida ham koronavirus aniqlandi

---

12:29 Olmaota viloyati hokimida ham koronavirus aniqlandi

Qozog‘istonning Olmaota viloyati hokimi Omondiq Batalovda koronavirus aniqlandi. Bu haqda viloyat administratsiyasi matbuot xizmatiga tayanib, "RIA Novosti” xabar berdi. Ta’kidlanishicha, hokimning koronavirusga topshirgan testi ijobiy chiqqach, u o‘zini izolyatsiyalagan. "Olmaota viloyati hokimi Omondiq Batalov izolyatsiyaga ketdi. Afsuski, polimeraza zanjir reaksiyasi yordamida o‘tkazilgan test natijasi COVID-19 borligini ko‘rsatdi. Hokimda koronavirus kasalligi belgilarsiz kechmoqda”, — deyiladi xabarda. Ma’lumotlarga ko‘ra, Batalov o‘zini izolyatsiyalagan holda davolanish muolajalarini oladi va masofadan turib ishlashni davom ettiradi. Avvalroq Qozog‘istonning birinchi prezidenti Nursulton Nazarboyev hamda mamlakat sog‘liqni saqlash vaziri Yeljan Birtanovda ham koronavirus aniqlangani haqida xabar berilgandi. So‘nggi ma’lumotlarga ko‘ra, Qozog‘istonda koronavirus bilan kasallanganlar soni 17 732 kishiga yetdi. Hozirga qadar mamlakatda 10 897 kishi virusdan davolanishga muvaffaq bo‘lgan, 120 kishi COVID-19 qurboniga aylangan.

1 2 3 4 5 Категория: Har-Hil | Просмотров:472 | Добавил: moderator | Теги: yangilik | Рейтинг: 0.0/0

Всего комментариев: 0