Главная » 2020 » Aprel » 1 » Olma-otada ikki yoshli bola koronavirusdan shifo topdi

---

17:43 Olma-otada ikki yoshli bola koronavirusdan shifo topdi

Bugun, 1 aprel kuni Olma-otada koronavirus infeksiyasidan sog‘aygan 10 nafar bemor shifoxonadan chiqarildi. Ularning orasida 2 yoshlik bola ham bor. Ma’lum qilinishicha, shahar yuqumli kasalliklar shifoxonasida davolangan bitta bola va ikkita katta yoshdagi bemorga javob berilgan. Olma-ota sog‘liqni saqlash boshqarmasi ma’lum qilishicha, bemorlar 14 kunlik uy karantinida bo‘lishadi. Ta’kidlanishicha, bemorlarning ikki nafari joriy yilning 13 mart kuni Berlin-Minsk-Olma-ota charter reys bilan Olma-otaga yetib kelishgan. Aeroportdagi tekshiruvlar vaqtida ularda koronavirus aniqlangan. Ayni samolyotda bo‘lganlarning yana 7 nafarida koronavirus aniqlangan. So‘nggi ma’lumotlarga ko‘ra, Qozog‘istonda koronavirus bilan bog‘liq 372 ta holat aniqlangan. Kasallanganlarning 3 nafari vafot etgan, 26 nafari esa sog‘aygan.

1 2 3 4 5 Категория: Har-Hil | Просмотров:682 | Добавил: moderator | Теги: yangilik | Рейтинг: 0.0/0

Всего комментариев: 0