Главная » 2020 » May » 18 » Olimlar Marsda yashash uchun eng maqbul joyni topdi

---

11:24 Olimlar Marsda yashash uchun eng maqbul joyni topdi

AQSh Planetar tadqiqotlar markazi olimlari Mars sayyorasida koloniyachilar uchun keng, issiq, eng muhimi — meteorit va radiatsiyalardan himoyalangan boshpada qurish mumkin bo‘lgan hududni topdi, deb xabar beradi Life Science. Ekspertlarning ogohlantirishicha, koloniyachilar hayot uchun muntazam xavf tug‘diradigan sharoitda ishlashiga to‘g‘ri keladi. NASA suv, oziq-ovqat va kislorodga bog‘liq muammoni yechishni o‘rganib olgan bo‘lsa-da, radiatsiya — qiyin masala. Undan turar joy modullarini to‘liq himoya qilish oson emas. Xavfsiz boshpana yaratish bo‘yicha yangi tadqiqot mualliflari Marsning o‘ziga xos landshaftidan foydalanishni taklif etmoqda, ya’ni sayyoraning eng chuqur vodiysi — Ellada tekkisligida koloniya qurishni. "Uning bir qator afzalliklari bor. Birinchidan, zich atmosfera qatlami sabab radiatsiya darajasining nisbatan kamligi — tepaliklarga qaraganda 50 foizga kam. Ikkinchidan, tekkislikning shimoli-sharqida Adriatika tog‘i joylashgan — so‘ngan vulqonning notekis qotib qolgan lavalaridan hosil bo‘lgan ko‘plab bo‘shliqlarga mavjud”, — deya aniqlik kiritadi olimlar. Olimlarning hisoblashicha, ushbu teshiklar ichida yashash orqali koloniyada yashovchilar kuniga 61,64 mk3v/kun qabul qiladi, bu tishni bir kunda bir necha bor rentgenga tushirishdek gap. Bu esa tekislik yuzasidagidan 5 barobarga kam. "Shuningdek, ular mikrometeoritlardan, harorat o‘zgarishi va Mars changidagi potensial xavfli moddalardan himoya qiladi”, — deydi olimlar.

1 2 3 4 5 Категория: Har-Hil | Просмотров:501 | Добавил: moderator | Теги: yangilik | Рейтинг: 0.0/0

Всего комментариев: 0