Главная » 2020 » Iyun » 27 » Olimlar koronavirus Yevropada epidemiya e’lon qilinishidan bir yil oldin paydo bo‘lganini ma’lum qildi

---

19:56 Olimlar koronavirus Yevropada epidemiya e’lon qilinishidan bir yil oldin paydo bo‘lganini ma’lum qildi

Barselona universiteti tadqiqotchilari 2019-yilning mart oyidagi shahar suvlarining namunalarida SARS-CoV-2 koronavirusini aniqladi. Bu haqda universitet ma’lumotiga tayanib, "Korrespondent.net” xabar berdi. "Ushbu natijalar infeksiya dunyoda COVID-19 bilan kasallanish bo‘yicha birinchi holat ma’lum bo‘lganidan oldinroq paydo bo‘lganini bildiradi”, — deyiladi hisobotda. Barselonalik olimlar turli vaqtlar oralig‘idagi suvlarni tadqiq etib ko‘rgan. Biologiya fakulteti professori Albert Boskning so‘zlariga ko‘ra, SARS-CoV-2 genomining konsentratsiyasi aholi orasida COVID-19 bilan kasallanish sonining o‘zgarish vaqtiga mos kelgan. O‘rganilgan namunalar orasida 2018-yilning yanvaridan 2019-yilning dekabrigacha bo‘lgan muddat orasidagi suvlar ham bo‘lgan. Ularning barchasida salbiy natija qayd etilgan, faqat 12-martdagi namunada SARS-CoV-2 genomi juda ko‘p miqdorda qayd etilgan. Polimeraza zanjir reaksiyasi testi esa aniq natijalarini ko‘rsatgan. "Barselonaga ko‘pchilik turizm yoki ish bilan keladi. Shu sababli bu kabi vaziyat dunyoning boshqa davlatlarida ham kuzatilgan bo‘lishi mumkin”, — deydi Bosk. Uning fikricha, epidemiya e’lon qilinganiga qadar koronavirus bilan kasallanganlarga gripp tashxisi qo‘yilgan, chunki ularning belgilari bir xil. Avvalroq Boston universitetining yuqumli kasalliklar milliy laboratoriyasida koronavirusni bir necha soniya ichida o‘ldirish usuli topilgani to‘g‘risida xabar berilgandi.

1 2 3 4 5 Категория: Har-Hil | Просмотров:17 | Добавил: moderator | Теги: yangilik | Рейтинг: 0.0/0

Всего комментариев: 0