Главная » 2018 » May » 25 » Olimlar hayotni uzaytirishning yangi usulini aniqladi

---

21:19 Olimlar hayotni uzaytirishning yangi usulini aniqladi

Shvetsiyaning Stokgolm universiteti olimlari tomonidan aniqlanishicha, dam olish kunlaridagi davomli uyqu nafaqat ish kunlaridagi uyqu yetishmasligini to‘ldiradi, balki vaqtli o‘lim xavfini ham kamaytiradi. Bu haqda "Korrespondent.net” xabar berdi. Tadqiqotda 38 ming kishi ishtirok etgan. Ularning barchasi ish va dam olish kunlarida uyquning uzoqligi haqida ma’lum qilgan. Ko‘ngillilarni kuzatish ishlari 13 yil davom etgan. Olimlar sutkada besh, olti va yetti soatdan kam uxlaydigan kishilar orasida o‘lim darajasini aniqlashga uringan. Shuningdek, tana vazni indeksi, alkogol iste’moli va chekish, jismoniy faollik kabi omillar ham hisobga olingan. Yakunda uyqu yetishmasligidan aziyat chekuvchi 65 yoshgacha bo‘lgan kishilar orasida vaqtli o‘lim xavfi 65 foizga o‘sgani qayd etilgan. Bunda ular uyqu yetishmasligini dam olish kunlarida to‘ldirgan taqdirda, ularning ko‘rsatkichlari nazorat qilinayotgan guruhnikiga teng bo‘lishi aniqlandi.

1 2 3 4 5 Категория: Har-Hil | Просмотров:1178 | Добавил: Moderator | Рейтинг: 0.0/0

Всего комментариев: 0