Главная » 2020 » Iyun » 27 » Oleg Zoteyev Janubiy Koreya klubi bilan shartnoma imzoladi

---

06:17 Oleg Zoteyev Janubiy Koreya klubi bilan shartnoma imzoladi

Toshkentning "Lokomotiv” klubi himoyachisi Oleg Zoteyev faoliyatini Janubiy Koreyada davom ettiradi. 30 yoshli futbolchi Key-Liga 2 musobaqasi vakili "Chonnam Dragons” bilan 1,5 yillik shartnoma imzolagan. Zoteyev Janubiy Koreya yetib borgach, ikki hafta karantinda bo‘lgan. Futbolchi 26-iyun kuni tibbiy ko‘ribdan o‘tgan va shundan so‘ng shartnoma imzolagan. Zoteyev yangi jamoasida ham 33-raqam ostida harakat qiladi. "Agentim Raul menga Janubiy Koreya klubidan qiziqish borligini aytgach, faoliyatimni xorijda davom ettirish istagi tug‘ildi. Albatta, har bir futbolchi o‘zini chetda sinab ko‘rishni xohlaydi. Menda ham shunday imkoniyat yuzagani kelgani uchun foydalanishga qaror qildim. Shartnoma imzolangach klub va jamoa bilan tanishdim. Yangi jamoam bilan bugun birinchi marta mashg‘ulot o‘tkazdim. Hammasi yaxshi o‘tdi. Meni klub va murabbiylar yaxshi kutib olishdi. Bundan juda xursandman”, — deya Zoteyev so‘zlarini keltirmoqda "Lokomotiv” matbuot xizmati. Zoteyev "Paxtakor” tarbiyalanuvchisi hisoblanib, faoliyati mobaynida OKMK, "Bunyodkor” va "Lokomotiv”da to‘p surgan. "Chonnam Dragons” Janubiy Koreya ikkinchi divizioni joriy mavsumida 7-turdan so‘ng 10 ochko to‘plagan holda, 6-o‘rinda bormoqda. Mazkur liganing "Anyang” jamoasida yana bir o‘zbekistonlik futbolchi Xurshid G‘iyosov to‘p suradi. Shuningdek, Key-Ligada Ikrom Aliboyev ("Seul”), Jamshid Iskandarov ("Sonnam”), Rustam Ashurmatov ("Kvanju”) va Doston Tursunov ("Pusan Ay Park”) kabi O‘zbekiston vakillari harakat qiladi.

1 2 3 4 5 Категория: Har-Hil | Просмотров:517 | Добавил: moderator | Теги: yangilik | Рейтинг: 0.0/0

Всего комментариев: 0