Главная » 2020 » Mart » 25 » “Oldindan mavjud”. Adliya vazirligi prokuror tomonidan advokat telefonining “nazorati” bo‘yicha tushuntirish berdi

---

10:58 “Oldindan mavjud”. Adliya vazirligi prokuror tomonidan advokat telefonining “nazorati” bo‘yicha tushuntirish berdi

Xabaringiz bor, kecha, 24 mart kuni Oliy Majlis Senati tomonidan "Fuqarolarning shaxsiy huquq va erkinliklarini muhofaza qilishga qaratilgan qonun hujjatlari takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonun loyihasi ko‘rib chiqildi.  Hujjat bilan "Advokatlik faoliyatining kafolatlari va advokatlarning ijtimoiy himoyasi to‘g‘risida”gi qonunga o‘zgartirish kiritish ma’qullandi. O‘zgartirishga ko‘ra, prokuror sanksiyasi bilan advokatlarning telefon so‘zlashmalarini tinglab turish mumkinligi belgilangan. Ushbu masala ijtimoiy tarmoqlarda ko‘plab muhokamalarga sabab bo‘ldi. Shu munosabat bilan Adliya vazirligi o‘zining tushuntirishini berdi.  Vazirlikning ma’lum qilishicha, ushbu tartib qonunchilikda avvaldan mavjud.  "Ijtimoiy tarmoqlarda Senat tomonidan ma’qullangan  advokatlarga oid qonun hujjatiga kiritilgan tahririy o‘zgartirish noto‘g‘ri talqin qilinayotgani va turli tushunmovchiliklarga sabab bo‘layotgani kuzatilmoqda. Ushbu vaziyat yuzasidan quyidagicha izoh beriladi. Avvalo ushbu tartib endi joriy qilinmayotgani, balki 1998 yildan beri amalda ekanini e’tiborga olish lozim. Qolaversa, hujjatga bor-yo‘g‘i tahririy o‘zgartirish kiritilmoqda, tartib o‘zgarmayapti. Ushbu axborotni ommaga tarqatayotgan manbalarni mohiyatga mos kelmaydigan chalg‘ituvchi sarlavhalar orqali ommaning hissiyotlari  bilan o‘ynashmaslikka chaqiramiz”, deyiladi rasmiy xabarda. Vazirlik shuningdek, yanada tushunarli bo‘lishi uchun amaldagi tahrir bilan taklif etilayotgan tahririni farqiga ko‘z yugirtirish kerak ekanini aytmoqda.

1 2 3 4 5 Категория: Har-Hil | Просмотров:588 | Добавил: moderator | Теги: yangilik | Рейтинг: 0.0/0

Всего комментариев: 0