Главная » 2022 » Iyun » 3 » OAV: AQSH razvedkasi Putinning sog‘lig‘i haqida hisobot tayyorladi — Rossiya prezidenti aprelda saratonga qarshi muolajalar olgan

---

09:01 OAV: AQSH razvedkasi Putinning sog‘lig‘i haqida hisobot tayyorladi — Rossiya prezidenti aprelda saratonga qarshi muolajalar olgan

AQSH razvedkasi Rossiya prezidenti Vladimir Putinning aprel oyida onkologik xastalikdan davolanish kurslarini o‘tkazgani haqida hisobot tayyorladi. Bu haqda bir yo‘la uch manbaga tayanib, Newsweek jurnali ma’lumot bergan. Shuningdek, hisobotda mart oyida Rossiya prezidentiga suiqasd uyushtirilgani qayd etilgan (bu haqda Ukraina razvedkasi ham xabar tarqatgandi). Newsweek’ning yozishicha bu Vladimir Putinning sog‘lig‘i haqida Oq uy uchun tayyorlangan to‘rtinchi hisobot (hisobotlarning qaysi muddatlar uchun tayyorlanganiga aniqlik kiritilmagan). Avvalgi ikki hafta oldin tayyorlangan hisobotda Putinning holati og‘ir ekanligi, uning "o‘lim to‘shagi”da ekanligi yozilgandi. Jurnaldagi ma’lumotlarga ko‘ra endi Putinning sog‘lig‘ida ijobiy o‘zgarishlar kuzatilgan. Hisobot mualliflari Rossiya prezidentining ommaviy bayonotlaridagi foto hamda videomateriallarni ham tahlil qilgan. Vladimir Putinning sog‘lig‘ida muammolar kuzatilgani, uning onkologik kasallikka chalingani haqidagi gap-so‘zlar so‘nggi oylarda OAVda ko‘p tarqalmoqda. 2022-yil may oyida Putinning saratonga chalingani haqida rejissor Oliver Stoun ham gapirgandi. "Proyekt” nashri Putinning shifokorlar guruhi hamrohligida yurgani, ular orasida onkologik kasalliklar va qalqonsimon bez muammolari bo‘yicha mutaxassislar ham borligi haqida yozgan. Rossiya tashqi ishlar vaziri Sergey Lavrov may oxirida "aqlli odamlar” Putinda qandaydir xastalik yoki sog‘lig‘i bilan bog‘liq muammolarni ko‘ra olmasligi haqida bayonot bergan.

1 2 3 4 5 Категория: Har-Hil | Просмотров:325 | Добавил: moderator | Теги: yangilik | Рейтинг: 0.0/0

Всего комментариев: 0