Главная » 2020 » Fevral » 7 » “O‘zto‘qimachiliksanoat” Xitoyga viza olish uchun ariza rasmiylashtirishni to‘xtatdi

---

20:42 “O‘zto‘qimachiliksanoat” Xitoyga viza olish uchun ariza rasmiylashtirishni to‘xtatdi

"O‘zto‘qimachiliksanoat” uyushmasi Xitoy vizasini olish uchun arizalar rasmiylashtirishni vaqtincha to‘xtatdi. Bu haqda uyushma tomonidan ma’lum qilindi. Uyushma xabarida aytilishicha, koronavirus infeksiyasi bilan kasallanish O‘zbekiston hududida qayd etilmagan bo‘lsa-da, bu virusning respublika hududiga ham kirib kelish ehtimoli yuqori qolmoqda. Uyushma ana shu vaziyatni inobatga olib, koronavirus infeksiyasi bartaraf etilgunga qadar Xitoyga barcha korxona xodimlarining tashrif buyurishi hamda ushbu mamlakat fuqarolarini O‘zbekiston hududiga taklif etishni keyinga qoldirishni tavsiya etgan. Ma’lum qilinishicha, bundan tashqari, Xitoy Xalq Respublikasiga kirish-chiqish vizalarini rasmiylashtirishda uyushma nomidan buyurtma va xatlarni berish vaqtinchalik to‘xtatildi. Ma’lumot uchun, mazkur uyushma tarkibiga ayni vaqtda 1800 dan ortiq kompaniya kiradi. Eslatib o‘tamiz, 4-fevraldan boshlab O‘zbekiston va Xitoy o‘rtasidagi aviaqatnovlar vaqtincha to‘xtatildi. Avvalroq O‘zbekiston sog‘liqni saqlash vaziri Alisher Shodmonov xitoyliklarning O‘zbekistonga kelishini vaqtincha cheklashni taklif qilgan edi. Shuningdek, dunyoning bir qator aviakompaniyalari Xitoyga parvozlarni bekor qilgan. Ko‘plab yirik kompaniyalar esa Xitoydagi zavodlari faoliyatini to‘xtatdi.

1 2 3 4 5 Категория: Har-Hil | Просмотров:520 | Добавил: moderator | Теги: yangilik | Рейтинг: 0.0/0

Всего комментариев: 0